Abogado ni Sara, walang ipiprisintang ebidensya?

PIHADONG problemado ang mga abogado ni Vice President Sara humanap ng testigo matapos tanggihan ni St. La Salle College of Law dean Ralph Sarmiento ang pagsalang sa paglilitis ng Senate impeachment court sa panig ng depensa.

Bukod sa kawalan ng testigo, kumbinsido rin si House lead prosecutor Gerville Luistro na nangangapa pa rin ang kampo ng pangalawang pangulo humanap ng pantapat sa mga ebidensyang ipinrisinta ng prosekusyon.

“What we believe really is they are finding it so difficult to come up with evidence,” wika lady prosecutor sa pagpapatuloy ng pagdinig sa Lunes, Nobyembre 9.

Una nang hiniling ng defense panel sa korte huwag tanggapin bilang ebidensya ang Anti-Money Laundering Council (AMLC) report na inihain ng prosekusyon.

Pag-amin ni Luistro, palaisipan pa rin kung muling gagamitin ng depense ang constitutional objects na karaniwang taktika ng depensa para pigilan ang pag-usad ng impeachment proceedings.

“Yung sagot nila in the first impeachment as well as in the second impeachment, lahat constitutional and procedural issues,” aniya.

Tinuligsa ni Luistro ang paggamit ng depensa sa “confidentiality clause” na nakapaloob sa Anti-Money Laundering Act.

“That prohibition is applicable if the purpose is to defeat the mandate of the agency. But if the purpose is to respond to the mandate of the agency, of course that is a legitimate disclosure of information,” punto ng Batangas lady solon.

Giit ni Luistro, ang dapat salagin ng depensa ay ang financial questions na kinakaharap ni Duterte, tulad ng hindi tugmang lawful income, gayundin ang nabistong “unexplained wealth” at “business interests” habang nasa posisyon sa gobyerno.

Mabigat din aniya ang hamon sa depensa na kontrahin ang analysis report ni forensic accounting expert Alexander Cabrera sa bank, tax, corporate at iba pang financial records ng bise presidente at mister na si Atty. Manases Carpio kung saan mula 2022 hanggang 2025 ay aabot sa umano P817.87 million ang undeclared assets at unexplained wealth ng mag-asawa.

Giit ni Luistro, ang unexplained wealth allegations laban kay Duterte ay mula mismo sa dokumentong direktang may kaugnayan sa pangalawang pangulo, esposong abogado at mga kumpanyang pinaniniwalaang pag-aari ng mag-asawa.

“Lahat po ng mga pieces of evidence na ginamit for unexplained wealth ay sariling documento ng respondent, ng asawa niya, at ng kanilang mga pag-aaring kumpanya,” dagdag pa ng kongresista.

“Itong AMLC, they came from the report of their own depository banks. Ito sa PNP-FEO, sariling registration nila ng firearm, itong LRA, sariling registration nila ng real property,” aniya pa.

Mayroon din umanong official records mula sa Bureau of Internal Revenue (BIR), Securities and Exchange Commission (SEC) at ang SALNs na isinumite ni Duterte.

“That cannot be a fishing expedition. As a matter of fact, paano ba na-produce ang mga evidensiang yan? That’s through the compulsory power of the impeachment court.”