admin 
USAP-USAPAN sa Kamara ang di umano’y pagtamlay ng relasyon sa pagitan ng administrasyon at ni dating Pangulo at Pampanga 2nd District Rep. Gloria Macapagal Arroyo na ibinaba ng mayorya bilang Senior Deputy Speaker ng Kamara.
Kasabay ng paghalal ng mayorya kay Pampanga 3rd District Rep. Aurelio Gonzales Jr. bilang bagong Senior Deputy Speaker, nilinaw ni House Majority Leader Manuel Jose Dalipe na nais lamang di umano nilang bawasan ang ‘napakaraming trabaho’ ni Arroyo.
Gayunpaman, mananatili naman aniyang Deputy Speaker ang dating Pangulo pero hindi na bilang ‘Senior’ Deputy Speaker ng Kamara.
“The House of Representatives has elected Deputy Speaker Aurelio ‘Don’” Gonzales, Jr. as Senior Deputy Speaker to unburden his cabalen, former President Gloria Macapagal-Arroyo, of the heavy load required from the position,” ani Dalipe.
Tugon naman ni Arroyo sa hakbang ng mga kapwa kongresista – “It’s the prerogative of the House.”
