KARAPATAN ng impeachment prosecution panel dumulog sa Korte Suprema para kwestyunin ang 16-vote threshold na kailangan para tuluyang sipai9n sa pwesto ang nasasakdal na pangalawang pangulo. Ito ang giit ni dating Surigao del Norte Rep. Robert Ace Barbers sa lalo pa aniya’t hindi pa nareresolba ang usapin kung paano boboto ang mga senador na hindi dumadalo sa paglilitis dahil nasa kulungan bunsod ng mga kinakaharap na kasong kriminal. “At the appropriate time kapag nagkaroon na ng tamang panahon na ito’y iangat sa Supreme Court and we feel that there is an injury that has been committed or has been done, then kami mismo sa prosecution probably will initiate,” wika ni Barbers na tumatayong adviser at spokesperson ng prosekusyon. Gayunpaman, nilinaw ni Barbers na isusulong lamang ang naturang hakbang kung madedehado ang prosekusyon. “If and when we feel the issue has become justiciable and we will be the aggrieved party. But kung hindi naman, I don’t think there is a reason to bring it up to the Supreme Court,” dugtong ng dating mambabatas. Sa ngayon aniya, hindi pa maaaring dumulog sa high tribunal ang prosekusyon dahil hindi pa naman nangyayari ang pagtatalo sa botohan ng mga senator-judges. “Kasi tama naman din yung sinabi ni Cong. Terry (Ridon), na we cannot go up to the Supreme Court and ask for consultation. Hindi kasi nga, it is clear that if the issue becomes justiciable, meaning meron ng injury na nangyari, the aggrieved party can raise the issue before the Supreme Court so that they can decide,” dagdag niya. Tiniyak naman ni Barbers na patuloy na nakatuon ang atensyon ng prosekusyon sa mga hakbang na nagpapatatag sa alegasyon laban kay Vice President Sara Duterte. Facebook Twitter/X LinkedIn Post navigation Metro Manila mayors, may kotong sa basura? Mga mahistrado, feeling untouchable – Remulla
