.. 
Larawan mula sa DDS Legacy Facebook Page
MATAPOS ang pasabog hinggil sa di umano’y panunuhol ng dalawang kongresistang bahagi ng quad committee, tuluyan nang napasakamay ng Kamara ang kustodiya ni Col. Hector Grijaldo matapos dakpin bunsod ng warrant of arrest na kalakip ng ipinataw na contempt laban sa police official.
Pag-amin ni Surigao del Norte Rep. Robert Ace Barbers na tumatayong overall chairman ng quad comm, Disyembre 14 pa nang dakpin si Grijaldo habang nasa pagamutan dahil sa di umano’y problema sa kalusugan.
“Colonel Grijaldo has been detained in the House of Representatives detention center since December 14. We sought assistance from the Philippine National Police and Sergeant at Arms in implementing the contempt and arrest order,” wika ni Barbers sa isang ambush interview.
Pagkatapos arestuhin, hiniling ni Grijado sa quad comm na ilagay na lamang siya sa hospital arrest. Gayunpaman, hindi pinagbigyan ng quad comm ang hirit ng koronel na ayon kay Barbers ay nasa maayos na kalagayan.
“He said since he is in a hospital so he wants to be under hospital arrest. Of course, we did not allow that because he is ambulatory. Puede siya lumabas. Puede siya maglakad. And so we implemented the arrest order that came with contempt order,” ani Barbers.
Na-cite in contempt ng quad committee si Grijaldo sa pagdinig noong Disyembre 12 bunsod ng hindi pagsipot sa ikaapat na pagkakataon.
