.. 
BUNSOD ng matagumpay na partisipasyon ng Philippine Delegation sa ginanap na World Economic Forum (WEF) Annual Meeting 2025, kumpiyansa si Speaker Martin Romualdez na mas maraming dayuhang mamumuhunan ang papasok sa bansa.
Ayon kay Romualdez, naging positibo ang tugon ng mga dumalo sa naturang pagpupulong na nilahukan ng iba’t-ibang heads of state, business leaders at top experts, sa presentasyon ng Philippine delegation kabilang ang mga hakbang na ginagawa ng gobyerno upang higit na maging business-friendly ang bansa.
“The discussions we held in Davos reaffirm the immense potential of the Philippines as a key destination for global investments,” sabi pa lider ng Kamara, na tumayong punong-abala ng delegasyon sa WEF 2025
“We are grateful to President Ferdinand Marcos Jr. for sending a delegation that has showcased the many reasons why global investors should choose the Philippines. The reception has been overwhelmingly positive, and I am confident that this will translate to more investments that will fuel our economic growth,” dugtong ng House Speaker.
Kabilang si Romualdez sa mga napisil na panelist sa talakayan, kung saan kanyang ibinahagi ang isang di-inaasahang pagtatagpo sa prominenteng industrialist mula sa India noong WEF 2024, na nauwi sa produktibong pakikipagtulungan para sa isang lokal na negosyo.
“I invited him to the Philippines, and he liked what he saw. And in fact, had it not been for the WEF, he would never have realized that the Philippines was open and welcoming to business from India,” aniya.
Pinasalamatan din ng pinuno ng Kamara ang mga miyembro ng delegasyon ng Pilipinas, kabilang na si Finance Secretary Ralph Recto, Trade and Industry Secretary Ma. Cristina Roque, at mga nangungunang business leaders mula sa iba’t ibang sektor, sa kanilang mahahalagang kontribusyon sa pagsusulong ng mga oportunidad pang-ekonomiya ng bansa.
“I thank my fellow delegates for their tireless efforts and invaluable contributions in generating global interest in the Philippines,” saad pa ni Romualdez.
“From highlighting our young and dynamic workforce to presenting our pro-business policies such as the CREATE MORE Law and the Maharlika Investment Fund, we have successfully demonstrated that the Philippines is a viable and vibrant investment destination.”
Isa sa naging tampok sa pagpupulong ang pagiging bahagi ni Speaker Romualdez bilang panelist sa Stakeholder Dialogue na may temang “Navigating Asia’s Hotspots,” kung saan binanggit niya balanseng pamamahala ng Pilipinas sa geopolitical issues at sa pagpapanatili ng katatagang pang-ekonomiya.
“We presented a clear narrative of the Philippines as a reliable partner in the Indo-Pacific region, not only geopolitically but also economically. Our focus is on fostering peace, stability, and cooperation, which are vital for sustained growth,” pahayag pa ng mambabatas.
Sa talakayan, ibinida ng delegasyon ng Pilipinas ang matatag na ekonomiya ng bansa na pinapalakas ng e-commerce, na nagtatampok sa Pilipinas bilang fastest-growing digital economy sa ASEAN sa 2024.
“Our interactions with these business leaders further underscored the attractiveness of the Philippines for trade and investment. They recognized the strategic advantages of our country, including its location, young workforce, and robust economy,” aniya pa.
INVESTMENT-FRIENDLY REFORMS
Ipinunto rin ng delegasyon ng Pilipinas sa WEF 2025 ang mga legislative reforms sa ilalim ng administrasyong Marcos bilang konkretong patunay ng kahandaan ng Pilipinas na tugunan ang mga alalahanin ng mga investor upang mapabuti ang kalagayan ng negosyo sa bansa.
Ilan sa mga nabanggit ang CREATE MORE (Corporate Recovery and Tax Incentives for Enterprises to Maximize Opportunities for Reinvigorating the Economy) law, na nilagdaan ni Pangulong Ferdinand R. Marcos, Jr. noong Nobyembre ng nakaraang taon.
Ipinaliwanag ni lider ng Kamara ang layunin ng CREATE MORE law — mapabilis ang pagpasok ng pamumuhunan sa bisa ng tax incentives, mas pinadaling proseso sa larangan ng pamumuhunan, simpleng patakaran sa VAT, at pagbibigay ng iba pang insentibo para sa mga strategic investments.
“These reforms, alongside the recently enacted Maharlika Investment Fund, signal our government’s commitment to fostering a business-friendly environment and providing investors with the confidence to choose the Philippines,” paliwanag pa niya.
Muling tiniyak ni Speaker Romualdez ang kahandaan ng Pilipinas na gamitin ang momentum na nakuha mula sa pakikilahok ng bansa sa WEF, sa ikatlong magkasunod na taon.
“Our participation in the World Economic Forum has once again placed the Philippines on the radar of global investors. We are ready to turn these opportunities into concrete investments that will uplift our people and accelerate our progress.” (ROMEO ALLAN BUTUYAN II)
