.. 
Ni ROMEO ALLAN BUTUYAN II
KUMPYANSA si House Speaker Ferdinand Martin Romualdez na bubuhos ang negosyo matapos ang matagumpay na pakikipagpulong ng delegasyon ng Pilipinas sa matataas na opisyal ng Amerika kasabay ng kauna-unahan trilateral summit sa hanay nina US President Joe Biden, Pangulong Ferdinand Marcos Jr. at Japan Prime Minister Fumio Kishida.
Para kay Romualdez, hindi malayong muling mapabilang ang Pilipinas sa talaan ng mga bansang higit na kilala bilang ‘attractive investment hub.’
Matatandaan na unang inilatag ni Finance Secretary Ralph Recto sa hanay ng American investors ang visionary liderato ni Marcos at maging ang mahusay na fiscal at economic policies ng administrasyon — pagpapatupad ng pro-business reforms at epektibong paglalatag ‘red carpet’ para sa foreign at domestic investors.
Ang dialogue ay sinasaksihan nina Romualdez at Philippine Ambassador to the US Jose Manuel “Babe” Romualdez, na dinaluhan ng tinatayang 90 executives mula sa US-based funds and corporations, multilateral institutions, at public sector.
“The Philippine Dialogue marked a significant milestone in our efforts to foster robust economic partnerships with the United States,” ang paglalarawan ni Speaker.
Ayon sa pinuno ng Kamara, ilang American investors, na may aktibong pamumuhunan sa Pilipinas ang nagpahayag ng pagnanais na palawakin pa ang operasyon, kasabay ng at suporta sa layon ni Marcos, partikular sa tinaguriang ‘ease of doing business’ sa bansa.
“The enthusiastic response from American investors who recognize the immense potential and opportunities that the Philippines has to offer is a strong indication that our country is poised to attract substantial investments from US corporations seeking lucrative opportunities abroad,” aniya pa.
“The Philippines’ steadfast adherence to fiscal discipline and prudent debt management has garnered international acclaim, bolstering investor confidence and positioning the nation as a beacon of stability and growth in the Asia-Pacific region,” dagdag niya.
Hinggil naman sa pagpupulong nila Biden, Kishida at Marcos, sinabi ni Romualdez na pagpapakita lamang ito ang malaking papel at kahalagahan ng Pilipinas sa global stage.
“This landmark gathering reaffirmed the strong bonds of friendship and cooperation between the Philippines, the United States, and Japan, laying the groundwork for enhanced collaboration in various strategic areas, including trade, investment, and security,” dugtong ng lider-kongresista.
Binigyan-diin niya ang lubos na suporta ng Kamara sa katuparan ng ninanais ng Pangulo — ang abutin ng Pilipinas ang upper middle-income economy status pagsapit ng taong 2025.
“As we continue to chart a path towards sustainable economic development and prosperity, the House remains steadfast in our support for President Marcos, Jr. and his initiatives to foster closer ties with the United States and other key allies, driving forward the agenda of inclusive growth and shared prosperity for all.”
