.. 
PIHADONG mapupuno ang Batasan Detention Center sa napipintong pagsambulat ng galit ng mga kongresista bunsod na pahiwatig ng mga pro-Duterte vloggers ng hindi pagsipot sa pagdinig ng tri-committee ng Kamara.
Sa utos ng tri-comm, nasa 40 social media personalities at kinatawan mula sa iba’t ibang online platforms ang inimbitahan sa congressional inquiry kaugnay ng umano’y pagkakalat ng fake news sa iba’t ibang online platforms. Sa naturang bilang, tatlo lang ang sumipot kabilang ang Manila Times columnist na si Malou Tiquia.
Sa magkahiwalay na social media post nina Lorraine Badoy, MJ Quiambao Reyes at Tio Moreno, kinastigo ang umano’y motibo ng Kongreso sa planong isalang ang mga vloggers.
Sa nakalipas na taon, nakasanayan ng mga mga komite ng Kamara maglabas ng mandamiento de arresto sa mga resource persons na hindi sumipot sa mga “congressional inquiry in aid of legislation.”
Bukod kina Badoy, Quiambao at Moreno, kabilang sa mga pinatawag sa pagdinig ng joint panel ang mga prominenteng personalidad tulad ni former Press Secretary Trixie Cruz Angeles, dating television broadcast journalist Jay Sonza, former Rep. Glenn Chong, at Tiquia, at 35 pang iba.
Pasok din sa talaan ng mga vloggers na tatalupan ng Kamara sina Krizette Laureta Chu, Mark Anthony Lopez, Allan Troy “Sass” Rogando Sasot, MJ Quiambao Reyes, Vivian Zapata Rodriguez, Ethel Pineda, Jeffrey Almendras Celiz, Lord Byron Cristobal (Banat By), Alex Destor (Tio Moreno), Aaron Peña (Old School Pinoy), Manuel Mata Jr. (Kokolokoy), Elizabeth Joie Cruz (Joie De Vivre), Claro Ganac, Claire Eden Contreras (Maharlika Boldyakera), Jonathan Morales, at Cyrus Preglo (Optics Politics).
Kasama rin sa mga “imbitado” sina Maricar Serrano, Ernesto S. Abines Jr. (Jun Abines), Julius Melanosi Maui (Maui Spencer), Darwin Salceda (Boss Dada TV), Elmer Jugalbot (Eb Jugalbot), Cathy Binag, MJ Mondejar, Suzanne Batalla (IamShanwein), Joe Smith Medina (Political Witch Boy), Jeffrey G. Cruz (JCCO/ JJ Cruz), Alven L. Montero, Kester Ramon John Balibalos Tan (Mr Realtalker), Edwin Jamora (Reyna Elena), Ma Florinda Espenilla-Duque (Pebbles Duque), Dr. Richard Tesoro Mata (Dr. Richard and Erika Mata), Ahmed Paglinawan (Luminous by Trixie & Ahmed), Ryan Lingo, Atty. Enzo Recto (Atty. Ricky Tomotorgo), at Ross Flores Del Rosario (Wazzup Philippines).
