.. 
HINDI ordinaryong pagsabog ang gumimbal sa mga residente ng Palawan, ayon sa Philippine Space Agency (PhilSA), kasabay ng giit na konektado ang naturang insidente sa paglulunsad ng China sa Long March 12 rocket kagabi, Agosto 4.
“We have received reports of a visible smoke trail and a loud sound overhead by individuals in Palawan between 6:30 to 6:45 p.m. yesterday,” pahayag ng PhilSA.
“Initial assessment indicates that these are associated with the launch of China’s Long March 12 rocket from the Hainan International Commercial Launch Center,” dagdag pa ng naturang ahensya.
Anang PhilSA, biniberipika ng Interagency Technical Working Group on Orbital Debris Protocols ang mga ebidensyang hawak ng ahensya. Pagtitiyak ng PhilSA, agad silang maglalabas ng karagdagang detalye sa sandaling makumpleto ang mga impormasyon.
Sa hiwalay na pahayag, kinumpirma rin ng Philippine Coast Guard (PCG) ang pagsabog na iniulat sa Palawan na may kaugnayan sa rocket launch ng China.
“The PCG has confirmed the monitoring of rocket-related activity in the eastern part of Palawan on August 4, 2025, where a series of five loud explosions were—described as booming sounds—originating from the east, aligning with a previously issued public advisory regarding a scheduled launch from China,” saad sa pahayag ni PCG spokesperson for West Philippine Sea (WPS) Commodore Jay Tarriela.
“Upon immediate verification, a visible condensation trail was observed in the sky, consistent with rocket exhaust or propulsion,” dagdag pa niya.
Ayon kay Tarriela, patuloy na magiging prayoridad ng PCG ang maritime safety at environmental protection ng mga katubigan sa Pilipinas.
“Mariners and the public are advised to remain vigilant and report any sightings of potential debris to local PCG stations,” ani Tarriela.
“No immediate threats to safety or navigation have been reported as a result of this event,” dagdag pa.
Sinabi naman ni AFP spokesperson for the West Philippine Sea Admiral Roy Vincent Trinidad, nag-deploy na ang Western Command ng eroplano at barko upang masigurong walang maiiwang debris.
“After kahapon, nag-deploy ang [Wescom] ng aircraft [at] barko ngayong umaga, just to ensure walang debris na maiwan kasi ang debris pag nasa dagat at lalo pag malaki ito, hazard to navigation. Ang mga dadaang mga barko doon lalo pag hindi na makita ay posibleng matamaan ito. Bagamat remote ang chance kasi sa lawak ng karagatan, minabuti ng Western Command na maka-responde sila.” (LILY REYES)
