.. 
KASABAY ng pagtuligsa sa mga pangungutyang ipinupukol sa Philippine Coast Guard (PCG), inihain ni Lanao del Sur 1st District Rep. Ziaur-Rahman “Zia” Alonto Adiong ang panukalang batas para isailalim sa komprehensibong reporma at higit na palakasin ang kapasidad ng bantay-dagat sa pagsasagawa nito ng maritime safety and security operations.
Para kay Adiong na bagong talagang chairman ng House Committee on Suffrage and Electoral Reforms, hindi katanggap-tanggap na alipustahin ang mga opisyal at kasapi ng PCG.
“The brave men and women of the Philippine Coast Guard should be celebrated, not attacked, ridiculed, or mocked. Those who mock the PCG for speaking out against water cannon attacks are not just insensitive—they are complicit in normalizing aggression against our sovereign rights,” pahayag ng ranking House official.
“These incidents are acts of intimidation and violence. They should never be taken lightly,” dagdag ng kongresista.
Giit ni Adiong, dapat na mahigpit na kastiguhin ang online mockery at disinformation laban sa PCG personnel, na buong tapang na idinudokumento, kinokondena subalit nananatiling kalmado ang water-bombing at sea vessel ramming na ginagawa ng China.
“Spreading disinformation at our coast guard for standing firm in the face of harassment only plays into the hands of those who wish to undermine our sovereignty. This is not humor—it is a dangerous narrative that weakens national resolve,” sabi pa ng kongresista.
Nanawagan si Adiong sa publiko na mag-ingat at maging mapagmatyag laban sa mga indibidwal o grupong tumatayong tagapagtanggol pa at nagpapakalat ng Chinese propaganda, na ang layunin ay pagtakpan ang mga agresyon sa West Philippine Sea (WPS).
“Nakakalungkot po na isipin na may Pilipino na nagpapagamit sa naratibo laban sa ating magigiting na miyembro ng Philippine Coast Guard — dapat po nating labanan ang fake news na kanilang pinapakalat,” sambit pa ng Lanao del Sur solon.
Samantala, bilang pagpapamalas ng kanyang buong pananalig at pagtatanggol sa PCG, inihain ni Adiong ang House Bill No. 5552, o ang Revised Philippine Coast Guard Law, partikular para maisakatuparan na ang ‘long-overdue modernization and support’ sa nasabing maritime agency.
Nakapaloob dito ang streamlined, AFP/PNP-aligned rank and promotion system; pagpapalakas sa functional commands ng PCG para sa maritime safety, environmental protection, at law enforcement; pag-deputized sa Filipino fishermen bilang Bantay Dagat Auxiliary Patrol Officers, na mayroong kaukulang hazard pay, insurance, at equipment’s; Full-scholarships naman para sa mga anak ng PCG personnel na killed in the line of duty; at ang pagkakaroon ng Parity in pay, allowances, and retirement benefits tulad sa AFP sa kaukulang PCG personnel.
“This bill is a tribute to the courage of our coast guard and a rebuke to those who belittle their sacrifice. We will not allow disinformation, mockery, or silence to erode our claim to what is rightfully ours,” ani Adiong sa inihaing panukala.
“I stand shoulder-to-shoulder with our fishermen, our coast guard, and every Filipino who refuses to be intimidated. We will modernize the PCG, defend our seas, and push back—on the water and in the war of narratives.” (ROMER R. BUTUYAN)
