.. 
Ni ROMEO ALLAN BUTUYAN II
SA ikalawang pagkakataon, na-cite in contempt si former Presidential Spokesman Atty. Harry Roque ng House Quad Committee na nagpasyang ipakulong ang dating tagapagsalita ng Palasyo sa detention facility ng Kamara dahil sa kabiguan pudrin ang atas ng kongreso..
Bukod kay Roque, swak din sa kulungan ng Kamara si former Philippine Charity Sweepstakes Office (PCSO) chairperson Royina Garma.
Agosto 22 nang hilingin ni Batangas 2nd District Rep. Gerville “Jinky Bitrics” Luistro kay Roque magsumite ng kanyang business records, tax returns, at Statements of Assets, Liabilities, and Net Worth (SALNs).
Kinuwestyon din ng Batangas lady lawmaker ang business activities at financial records ng naging tagapagsalita ni ex-President Rodrigo Duterte gaya na lamang ng idineklara nitong assets at ilang transaksyon ng Biancam Holdings.
Kabilang rin sa hinanap ng komite kay Roque ang deed of sale para sa lote sa Multinational Village sa Parañaque City, dokumento sa paglipat ng Biancham shareholdings, extra-judicial settlement ng ari-arian ng tiyahin, SALNs mula 2016 hanggang 2022 at kanyang 2018 income tax return.
Lumobo diumano ang yaman ni Roque sa panahon ng pamamayagpag ng Philippine Offshore Gaming Operations (POGO).
“It is the humble submission of this representation that the Quad Committee has established overwhelming circumstantial evidence showing the connection of Atty. Harry Roque to Lucky South 99, which is a POGO operation,” ani Luistro.
Mismong si Philippine Amusement and Gaming Corp. (PAGCOR) chairman Alejandro Tengco ay nagsiwalat sa naging pagbisita sa kanya ni Roque kasama si Lucky South 99 representative Cassandra Li Ong noong Hulyo 26, 2023.
“Former secretary Harry Roque came with a woman and he introduced us. He said that Ms. Cassandra Lee Ong has a problem about her paying all the billings of the company she represents in PAGCOR,” ang sabi ng PAGCOR chief.
Inatasan din ang Quad Comm secretariat na makipag-ugnayan sa Bureau of Immigration (BI) para alamanin ang naging pagbiyahe sa labas ni Roque.
Samantala, pagsisinungaling naman sa Kamara ang nagtulak sa quad comm na icite in contempt si retired Police Colonel at former General Manager Royina Garma, sa mosyon ni Abang Lingkod partylist Rep. Joseph Stephen Paduano.
Sa mosyon ni Paduano, agad na sumegunda si Santa Rosa City Rep. Dan Fernandez na nagbigay daan naman sa pagkatig ni Quad Comm lead chair at Surigao del Norte Rep. Robert Ace Barbers.
Si 1-Rider partylist Rep. Rodge Gutierrez naman ang unang nag-mosyon na gawin ang pagkulong kay Garma hanggang sa matapos ang kanilang pagdinig at tuwirang makagawa ng committee report na ipiprisinta sa kanilang plenaryo.
Nais pa sana ng 1-Rider partylist lawmaker na si Garma ay ipakulong sa Correctional Institution for Women sa Mandaluyong City ang dating PCSO official subalit binawi rin at piniling sa Batasan Complex na lang manatili si Garma na higit na kilalang malapit kay former President Rodrigo Duterte.
Sa panig ni Antipolo City 2nd District Rep. Romeo Acop, binigyan ng garantiya si Garma na babawiin ang contempt sa kondisyong sasagot sa mga katanungan ng mga kongresista.
Nag-ugat ang mosyon ni Paduano na i-contempt si Garma sa pagbusisi sa umano’y tunay na relasyon o kung mayroong espesyal na relasyon ang huli kay ex-President Rodrigo Duterte.
Nauna rito, hindi kumbinsido ang Abang Lingkod partylist lawmaker sa mga binitiwan sagot ni Garma at pinuna rin niya ang tila hindi magkakatugmang at pabago-bagong salaysay sa kongreso.
