.. 
BILANG kanyang personal na pakipagdalamhati, pinuntahan ni Speaker Ferdinand Martin G. Romualdez ang burol ng pinaslang na opisyal na Kamara na si Director Mauricio “Morie” Pulhin kung saan ipinanawagan niya ang pagkakaroon ng ‘full scale probe’ sa karumal-dumal na krimen.
“Morie was a quiet, hardworking professional—someone who served the House with diligence and loyalty. The manner of his death was senseless and deeply disturbing,” ayon kay Speaker Romualdez.
“We will not stop until the perpetrators—and those who may be behind them—are identified and held accountable.”
Ipinaabot ng House Speaker ang kanyang pakikiramay sa naulilang pamilya ni Pulhin at tiniyak na buong suporta ng House of Representatives para makamit ang minimithing hustisya.
Sa kanyang pagtungo sa Loyola Memorial Chapels sa Commonwealth Avenue, Quezon kung saan nakahimlay ang mga labi ni Pulhin, nagkaroon din nang pakikipag-usap si Speaker Romualdez kay PCOL Randy Glenn G. Silvio, officer-in-charge ng Quezon City Police District (QCPD), at PLTCOL Romil C. Avenido, station commander ng Batasan Police Station 6.
Doon kinumpirma ng dalawang police official na isang Special Investigation Team (SIT) ang binuo para tutukan ang kaso kung saan masusing nire-review na rin ang lahat ng CCTV footages, nagsasagawa na rin ng forensic analysis at kinuha ang testimonya ng mga witnesses para matukoy ang pagkakakilanlang ng mga salarin.
Dagdag pa nila, ang lahat ng posibleng anggulo hinggil sa motibo ng pamamaslang ay tinitignan kabilang na ang personal at work-related angles.
“I commend the efforts of QCPD and the officers involved in the early stages of the investigation. But I urge our law enforcement agencies to move with even greater urgency. Justice delayed is justice denied,” ayon pa kay Speaker Romualdez. “We urge anyone who saw or heard anything unusual to come forward. Even the smallest detail could make a difference,” apela rin ni Speaker Romualdez.
“This crime struck at the heart of the institution. It will not be swept aside. We will pursue justice—for Morie, for his family, and for every public servant who deserves to feel safe in the line of duty,” pagtatapos ng House Speaker. (ROMEO ALLAN BUTUYAN II)
