
HINDI nakaporma ang mga sasakyang dagat ng China sa West Philippine Sea, kasunod ng pagdating ng mga tropang Amerikano para sumabak sa unang Maritime Cooperative Activity (MCA) katuwang ang Armed Forces of the Philippines (AFP).
Sa isang kalatas, partikular na tinukoy ni Armed Forces of the Philippines (AFP) spokesperson Colonel Xerxes Trinidad ang pagdating ng United States Indo-Pacific Command na lumahok sa sumabak sa joint military exercise sa karagatang malapit sa Palawan.
Sa panig ng AFP, pasok sa aktibidad ang guided missile frigate BRP Antonio Luna (FF151), ang offshore patrol vessel BRP Andres Bonifacio (PS17), dalawang FA50 fighter aircraft, at Philippine Air Force Search and Rescue (SAR) assets.
Naging katuwang sa aktibidad ang USS Carl Vinson (CVN-70) na sinamahan pa ng guided missile cruiser USS Princeton (CG-59), destroyer USS Sterett (DDG-104), MH-60 Seahawk helicopter, isang V-22 Osprey helicopter at dalawang F/A-18 Super Hornet fighter bombers.