admin 
Courtesy: Laguna Police Provincial Office
TATLONG Chinese na kidnaper ng dinukot na babaeng kabayan ng mga ito ang inaresto sa sa Biñan City, Laguna.
Nasagip din ang biktima na dinukot sa Pasay City noong Oktubre 30.
Ayon kay P/Lt. Col. Chitadel Gaoiran, Calabarzon police spokesperson, kinilala ang mga naarestong Chinese national na sina Dennis Tan, residente ng Sta. Cruz, Maynila; Bin Yang; at Shi Zhen Hui na kakasuhan ng kidnapping, extortion, grave coercion at paglabag sa R.A. 10591.
Sa imbestigasyon, nagawang makatakas ng hindi kinilalang Chinese victim mula sa kanyang kidnaper at nakahingi ng tulong sa awtoridad.
Lumalabas sa ulat na ang biktima ay tinangay ng tatlong Chinese suspects sa Pasay City noong Oct. 30 at dinala sa isang tagong lugar sa Barangay Tubigan.
Ayon sa biktima, humihingi ng P1,000,000 at kotseng BMW kapalit ng kanyang kalayaan ang mga suspect.
Nagawang makatakas ang biktima nang mapatid nito ang tali sa kanyang kamay at sinamantala ang mga suspect na mahimbing na natutulog at nakahingi ng tulong sa mga kapitbahay sa lugar.
Nakumpiska ng awtoridad sa mga suspect ang isang caliber 22 revolver at dalawang bala.
