Romer Butuyan 
SA halip na direktang sagutin ang alegasyon, teknikalidad ang ginagamit na pansalag ni Vice President Sara Duterte para makaiwas sa kinakaharap na impeachment complaints na inihain sa Kamara.
“The Vice President continues to stonewall the allegations against her. This is not an answer at all. Instead of addressing the charges head-on, she chose to hide behind technicalities,” wika ni Deputy Speaker at La Union 1st District Rep. Paolo P. Ortega V.
Partikular na tinukoy ni Ortega na tumatayong endorser ng 4th impeachment complaint, ang Consolidated Answer Ad Cautelam na isinumite ng kampo ng bise-presidente sa House Committee on Justice.
“Hindi po nasagot ang mga paratang. Iniiwasan ang pinaka-ugat ng isyu, at dinadaan sa procedural arguments na hindi naman tumutugon sa substance ng kaso,” dagdag ng ranking House official.
Binigyan-diin ni Ortega na mali ang ipinangangalandakan ng defense team na inabsuwelto na ng Supreme Court (SC) ang ang bise-presidente, kasabay ng giit na ang kautusan lamang ng high tribunal ay tungkol sa procedural issues at hindi sa mismong merito ng naunang impeachment complaint.
“They have to read both the Supreme Court decision and resolution again. The ruling did not junk the 2025 impeachment on substantive grounds, but only on procedural matters. In fact, the Supreme Court itself said that its ruling did not absolve the Vice President. That should be clear to everyone.”
Punto rin ni Ortega na ang impeachment ay isang constitutional mechanism na layong matukoy ang accountability, at hindi ito proseso na maaaring iwasan sa pamamagitan ng teknikalidad lamang .
“Accountability cannot be stonewalled. The Filipino people deserve clear, direct answers—not legal maneuvering that avoids the truth,” pagtatapos ni Ortega.
Sa panig naman ng House committee on justice, kumbinsido si Batangas Rep. Atty. Gerville “Jinky Bitrics” Luistro na nabigo ang kampo ni Duterte gamitin ang pagkakataong sagutin ang mga paratang sa pribilehiyong kalakip ng Consolidated Answer Ad Cautelam.
“That is why we are giving opportunity to the Vice President, our respondent, to respond doon sa mga offenses at sa mga grounds na incorporate doon sa dalawang complaints. Apparently for me, it doesn’t seem like an answer. While I was reading the answer, it looked like a motion to dismiss,” sabi pa ng lady House panel head.
“At maliwanag sa ating rules of impeachment ng House of Representatives that motion to dismiss is a prohibited pleading dito sa impeachment proceeding,” dagdag niya.
“Ngayon considering that the answer is not responsive to the complaint, it appears like unrebutted ang mga allegations ng complainant. Kumbaga since hindi sinagot directly, it is as if tinanggap ang allegations na ito and we will be perceiving this as general denial ng mga allegations doon sa complaint,” paglalahad din ni Luistro.
Ani Luistro, nirerespeto ng komite ang opinyon ng kampo ng bise presidente subalit kailangan din naman nilang mahigpit na sundin ang alituntunin sa pagtalakay ng bawat impeachment complaint na idinulog sa komite.
