Romer Butuyan 
SA hangaring tugunan ang krisis sa langis sa kasalukuyan at maging sa hinaharap, higit na angkop bigyan ng sapat na kapangyarihan ang pamahalaan.
Sa ilalim ng House Bill 8893 (Fuel Price Stabilization and Energy Security Act), partikular na isinusulong ni Manila Rep. Joel Chua ang kahandaan sa tuwing may paggalaw sa presyo ng langis sa pandaigdigang merkado.
Ayon kay Chua na tumatayong chairman ng House Committee on Good Government and Public Accountability, sa kasalukuyang kalakaran, kapag sumirit ang presyo ng langis sa world market ay direkta ang epekto sa taumbayan at halos walang magawa ang gobyerno dahil na rin sa Oil Deregulation Law of 1998.
Sa ilalim ng proposed measure, nakapaloob ang pagkakaroon ng malinaw na mekanismo para protektahan ang Pinoy consumers at ibalik sa pamahalaan ang kapangyarihan manghimasok sa sandaling sumipa ang local pump price ng mga produktong petrolyo.
Kabilang ang pagbuo ng five-member Fuel Regulatory Board na may kapangyarihan para i-regulate ang fuel prices, magpatupad ng temporary price bands o price ceilings, at imbestigahan ang sinasabing pagkakaroon ng anti-competitive practices sa local oil industry.
Kasunod ito ang pagtatatag ng Oil Price Stabilization Fund, na magagamit para ibsan ang epekto ng global oil shocks sa presyo ng petrolyo sa bansa.
“The new Oil Price Stabilization Fund in House Bill 8839, unlike the old and defunct OPSF, is for fuel price stabilization. The bill specifically avoided and omitted the words ‘reimbursement’ and ‘reimburse’ which defined the old OPSF and guaranteed oil firms’ profits and buried the treasury in massive deficits. There are other ways to stabilize fuel prices, which are listed in Section 11,” paliwanag ni Chua.
“Halimbawa lang, if world oil prices suddenly surge and gasoline or diesel prices are projected to rise by P5 per liter, the government can use the Oil Price Stabilization Fund to soften the blow, so motorists may only feel a smaller increase or no increase at all. The intervention is temporary and ends once prices normalize,” dugtong niya.
Ang panghuli sa nilalaman ng HB 8839 ay ang pagkakaroon ng Strategic Fuel Reserve program ng gobyerno kung saan patatatagin ang oil stockpile ng bansa.
“Tuwing mura ang presyo ng langis sa world market, bibili ang gobyerno natin ng emergency oil stockpile na ilalagay sa ating mga oil depot (imbakan ng langis). Maaaring i-release sa publiko ang nasabing stockpile sa panahon ng krisis upang matiyak ang sapat na supply at maiwasan ang panic-driven price increases. Ganyan ang diskarte sa pagkakaroon ng Strategic Fuel Reserve,” aniya pa.
Giit ni Chua, “hindi tayo dapat laging nakadepende sa galaw ng pandaigdigang merkado. Kailangan may emergency oil reserve ang bansa para hindi tayo natataranta tuwing may global crisis.”
“House Bill 8839 is a departure from the decades-old Oil Deregulation Law. It abandons the full deregulation policy. Instead, House Bill 8839 is grounded on consumer protection, economic stability, and energy security,” sambit pa ng kongresista.
