Romer Butuyan 
SA hangarin paghandaan ang napipintong paglilitis kay Vice President Sara Duterte, pormal nang binuo ng Kamara ang prosecution panel na sasabak sa impeachment trial sa senado.
Sa mosyon ni House Assistant Majority Leader at Las Piñas Rep. Mark Anthony Santos, inihalal ang mga mambabatas na magiging bahagi ng House prosecution panel.
Kabilang sa mga nahalal na tagausig sa panig ng Kamara sina House Committee on Justice Chairperson at Batangas Rep. Gerville Luistro, San Juan Rep. Maria Ysabel Zamora, House Senior Deputy Majority Leader Lorenz Defensor, 1Rider partylist Rep. Rodge Gutierrez, Bicol Saro Rep. Terry Ridon at Bukidnon Rep. Jonathan Keith Flores.
Pasok din sa talaan sina Akbayan partylist Rep. Chel Diokno, Mamamayang Liberal partylist Rep. Leila de Lima, Dinagat Island Rep. Kaka Bag-ao, Cagayan de Oro City Rep. Lordan Suan at Manila Rep. Joel Chua.
