Romer Butuyan 
MALAKING bentahe para sa Pilipinas ang pagbabantay ng Department of National Defense (DND) sa pinag-aagawang teritoryo sa West Philippine Sea.
Sa isang kalatas, partikular na tinukoy ni Deputy Speaker at Zambales Rep. Jefferson Khonghun ang Bajo de Masinloc, hindi naman aniya dapat maging kampante ang DND sa mga kaganapan sa naturang maritime region.
“While we appreciate the Defense Secretary’s assurance that the situation is being monitored, we must not underestimate the strategic importance of Bajo de Masinloc,” wika ni Khonghun.
“This is not merely a distant maritime feature — it lies just 124 nautical miles west of mainland Zambales and is firmly within the Philippines’ 200-nautical-mile Exclusive Economic Zone as recognized under international law, including the 2016 Arbitral Award,” dugtong ng ranking House official.
Ginawa ni Khonghun ang pahayag bilang reaksyon sa garantiya ni Defense Sec. Gilbert Teodoro na “may raw information. Actually, sinasabi ko, ang Bajo de Masinloc ay dynamic ang area, so bagamat maliit pa ang mga nangyayari, binabantayan na ito.”
Pag-amin ni Khonghun, hindi sapat ang salita ng Kalihim, kasabay ng giit na hindi dapat umano maliitin ang kahalagahan ng Bajo de Masinloc.
“Any activity in the area, no matter how small at present, carries significant implications for national sovereignty, the rights of Filipino fishermen, and the security of coastal communities in Zambales and nearby provinces,” paliwanag ng kongresista.
Tiwala naman ang mambabatas na sa ilalim ng pamumuno ni Pangulong Ferdinand Marcos Jr. ay gagamitin ng pamahalaan ang lahat ng diplomatic, legal, at defensive efforts para masiguro na hindi mababawasan maski isang pulgada ang teritoryo at maritime jurisdiction ng bansa.
“Our sovereignty is non-negotiable… kasama ang ating mga mangingisda, mga coastal communities, at lahat ng Pilipino, nakatayo akong matatag sa panawagan na bigyan ng proteksyon ang ating soberanya at karapatan.”
