Lucio Para 
MATAPOS ang trahedyang sinapit ng dalawang atleta ng Ateneo, hiniling ng isang kongresista ang pagbusisi ng Commission on Higher Education (CHEd) sa umiiral na protocols sa mga extra-curricular activities sa labas ng paaralan.
Sa isang kalatas, hinikayat din ni Solid North partylist Rep. Ching Bernos ang mga higher learning institutions (HLIs) na rebisahin ang mga panuntunan para tiyakin ang kaligtasan ng mga estudyante sa mga aktibidad na may kinalaman sa eskwela.
“In light of the unfortunate and untimely deaths of Ateneo basketball team members Rene Baterbonia and Divine Adili, now is the time for universities and colleges to revisit their protocols regarding in- and off-campus extra-curricular activities,” wika ni Bernos.
“Tandaan po natin na ipinagkatiwala ng mga pamilya ang buhay at kapakanan ng ating mga estudyante, kaya dapat na pakaingatan natin upang masigurong lagi silang ligtas sa kapahamakan,” dagdag ng ranking member ng higher and technical education committee ng Kamara.
Nanawagan din ang partylist solon sa CHED na makipag-ugnayan sa mga expert at HEIs para bumalangkas ng “updated protocols” para sa mga extra-curricular activities.”
Pag-amin ng mambabatas, siya man ay nadismaya sa umano’y kapabayaan ng Ateneo team supervisors.
“Should the team’s supervisors be found to have been negligent in their duties, they should be made accountable.”
“Nakikiramay ako sa pamilya nina Rene at Divine, at nakikiisa sa panawagan na lumabas ang katotohanan sa kung ano talaga ang nangyari.”
