Romer Butuyan 
BAGAMAT hindi criminal prosecution ang paglilitis kay Vice President Sara Duterte, malinaw na impeachable offense ang “betrayal of public trust” ang pagbabanta ng pangalawang pangulo, batay mismo sa ipinrisintang video.
Ayon kay House impeachment prosecutor at San Juan City Rep. Ysabel Zamora tungkulin ng Senate impeachment court timbangin kung ang mga ginawa ng akusado ay impeachable offenses gaya ng betrayal of public trust, high crimes, at culpable violation of the Constitution.
“Dapat nating tandaan na hindi naman tayo nagpoprosecute ng isang criminal case. Hindi tayo nagpoprosecute ng grave threats,” wika ni Zamora.
Ginawa ni Zamora ang pahayag matapos ang Day 3 ng impeachment trial at sagutin ang posisyon ng defense panel na nagsabing walang patunay na may kinontrata ang pangalawang pangulo para ipatumba sina President Ferdinand Marcos Jr., First Lady Liza Araneta-Marcos at former Speaker Martin Romualdez.
“Ang sinasabi natin ang actuations ng vice president in relation to that November 23, 2024 video ay nag-coconstitute ng betrayal of public trust, or she betrayed the public trust dahil sa kanyang pagbabanta sa buhay ng presidente, ng first lady at former speaker of the House,” paliwanag ng San Juan City lawmaker.
“This is a very general term — betrayal of public trust. So ‘wag natin tignan ang specific elements ng isang crime under the Revised Penal Code,” dagdag ng abogadang mambabatas.
Sa online press conference ni Duterte, hindi lamang aniya malinaw na sinabi ni Duterte na ipapatumba niya si Marcos sa sandaling siya’y unang mapaslang.
“Sa isang criminal case, kailangan mo ng elemento, yung mga elemento ng isang krimen. Pero dito po, ano ba yung pinoprosecute natin? Yung impeachable offenses of betrayal of public trust, high crimes, and culpable violation of the constitution. Yun po yung tatlo na related yung grave threats natin na article, Article IV,” paliwanag ni Zamora.
“Contract or no contract, it is our position that her utterances made on November 23, 2024 constitute impeachable offenses of betrayal of public trust, high crimes and culpable violation of the constitution,” tigas na pahayag pa niya.
Sa panig ni former Surigao del Norte Rep. Robert Ace Barbers, na tumatayong impeachment adviser at prosecution spokesperson, imposible rin naman aniya magkaroon ng ebidensya na nakipagkasundo ang bise presidente sa isang hitman.
“Wala pa ako nakitang nangyaring ganun… na kung saan ang isang kriminal ay may kontrata. If indeed the person is an assassin, wala naman sigurong kontrata yan, wala naman siguro pipirma,” sabi ni Barbers.
“Halimbawa hindi tumupad sa kontrata, dedemanda mo ba siya ng breach of contract. Di ba hindi? So honestly, walang kontrata na dapat tignan among the contracting parties and the party involved,” dagdag niya
