Resibo, ebidensya dapat sagutin ni Sara Duterte

NANINDIGAN si private prosecutor at legal spokesperson Atty. Jay Tolosa Jr. na may mga matibay na ebidensya at testimonyang dapat sagutin si Vice President Sara Duterte sa isinasagawang paglilitis ng Senate impeachment court.

Partikular na tinukoy ni Tolosa ang official government at bank records na nagpapakita sa financial status ng impeached official, na kailangan ipaliwanag ng nasasakdal.

“Magbigay sila ng maliwanag na paliwanag, maliwanag na sagot, at resibo, ebidensya na hinahanap ng taumbayan,” woka ng private counsel.

Ginawa ni Tolosa ang pahayag bilang tugon sa panibagong banat ni Duterte sa impeachment proceedings na tinawag niyang “political persecution.”

“The evidence that we’ve seen so far cannot be easily dismissed by saying that these are just products of political persecution or whatever other motives,” ani Tolosa.

Samantala isinantabi ni Impeachment trial adviser and spokesperson Ace Barbers ang palusot ni Duterte.

“Ang nagsasalita dito ebidensya. Ang nagsasalita dito mga dokumento, galing mismo sa mga reputable institutions such as banks at mga government agencies.”