HINDI bababa sa 107 opisyal ng pamahalaan ang sumasailalim sa “lifestyle check,” ayon kay Ombudsman Jesus Crispin Remulla. Sa budget briefing sa Kamara kaugnay ng pondo para sa Office of the Ombudsman, isusisa ni Akbayan partylist Rep. Chel Diokno kung ano na ang nangyari sa pahayag ni Pangulong Ferdinand Marcos Jr., noong Agosto 27, 2025 na kailangang nang ibalik ang lifestyle check sa mga opisyales at empleyado ng gobyerno. “We’re doing this right now, Your Honor. We have 107 lifestyle checks being conducted, as we speak,” ani Remulla. Gayunpaman, hindi pinangalanan ng Ombudsman ang mga opisyales na isinailalim sa lifestyle check na isinasagawa bilang bahagi ng kampanya laban sa mga tiwali sa pamahalaan. Paglilinaw ni Remulla, madagdagan pa ang nasa talaan matapos makatisod ng mga bagong impormasyon sa mga opisyal at kawaning umano’y nagpayaman sa iba’t ibang ahensya ng gobyerno. Kabilang sa mga ahensyang tinukoy ni Remulla ang Bureau of Customs (BOC), Land Transportation Office (LTO), Bureau of Internal Revenue (BIR) at iba pa. “And we are adding more to the list because we have been actively pursuing information on the people in Customs, in LTO and other income-generating agencies of the government because this is where most of the lifestyle sins happen, including the BIR, Your Honor,” ani Remulla. “I’m very happy to hear that you have been conducting lifestyle checks. Kasi malaman kung masagawa po sana natin yan noon, yung nangyari kaya halimbawa kay Usec (Roberto) Bernardo (ng Department of Public Works and Highways) who had to return P500 million, I’m sure a lifestyle check would have already shown us that there are issues insofar as his governance are concerned,” wika ni Diokno. Facebook Twitter/X LinkedIn Post navigation VP Duterte dapat isailalim ng COA sa fraud audit – Abante US ‘waiting’ sa extradition request sa ulo ni Quiboloy
