.. 
Ni JAM NAVALES
HINIMOK ni House Committee on Health Vice Chairperson at AnaKalusugan Partylist Rep. Ray T. Reyes ang lahat na ingatan ang sarili kalusugan partikular ang pagbibigay prayoridad sa pangangalaga sa puso lalo na ngayong ‘LOVE MONTH’.
“Panawagan po natin sa ating mga kababayan, let us be mindful of our health at alagaan natin ang ating mga puso ngayong buwan ng pag-ibig,” pagbibigay-diin pa ng pro-health advocate lawmaker.
“Let us show self-love, prioritize heart health, and consider healthier alternatives whenever possible,” dugtong na AnaKalusugan party-list solon.
Base sa datos ng Philippine Statistics Authority (PSA), ang ischemic heart disease, na nagreresulta sa heart attack ang siyang “number one cause of death in the country” kung saan mahigit sa 65,000 kaso nito ang naitala mula Enero hanggang Hulyo nitong nakaraang taon.
Apela ng mambabatas sa publiko, kumain ng mga masustansyang pagkain at iwasan ang pagkonsumo ng Ultra-processed food products (UPPs) para na rin protektahan ang puso.
“We need to cut down our consumption of UPPs to lower the risk of cardiovascular diseases,” giit pa ni Reyes.
Paliwanag ni Reyes, ang ultra-processed food products ay ang mga pagkaing nagtataglay ng preservatives, emulsifiers, at artificial sweeteners, colors at flavors.
Kabilang dito ang breakfast cereals, soft drinks, ice cream, hotdogs, corned beef, meatloaf, sausages at instant noodles.
“If we can, we should strive to replace UPPs with healthier choices like fresh fruits and vegetables,” pagtatapos ni Reyes.
