.. 
Ni ESTONG REYES
PARA kay Senador Risa Hontiveros, kataksilan sa bayan ang “gentleman’s agreement” na pinasok ni dating Pangulong Rodrigo Duterte sa bansang China kaugnay pinagtatalunan West Philippine Sea.
Sa isang resolusyon, target ni Hontiveros talupan ang detalye ng naturang usapan sa paraan ng isang senate inquiry.
“This ‘gentleman’s agreement’ is treasonous. While China, in any case, will most likely attack our resupply missions en route to Ayungin, this sham of an agreement only gave Beijing more ammunition to assert her baseless claims,” gigil na pahayag ni Hontiveros.
“Kung totoo ang kasunduan, mukhang isinuko nga ni Duterte ang teritoryo ng Pilipinas,” dugtong pa ng senador.
Sa Senate Resolution No. 982, inilarawan ni Hontiveros na malaking kataksilan sa bayan ang kasunduan – kung totoong isinuko na ni Duterte ang soberanya ng Pilipinas sa China, batay na rin sa pahayag ni dating Philippine Navy flag officer-in-command Eduardo Santos.
Sa ilalim ng resolusyon, idinamay rin ng senador ang National Security Council (NSC) na aniya’y una nang nagsabing walang alam sa naturang kasunduan.
Ayon kay Assistant Director General Jonathan Malaya, dapat magpaliwanag si dating Presidential Spokesperson Atty. Harry Roque sa ibinunyag na kasunduan nina Duterte at Chinese President Xi Jinping.
“It is our duty to fortify the BRP Sierra Madre. Without it on Ayungin, we effectively give way for China to illegally occupy what is ours. If we stop reinforcing the Sierra Madre, we don’t only get to lose a crucial, strategic outpost, but also fail to defend our sovereignty.”
