.. 
NI LOUIE LEGARDA
HINDI na nagawa pang tapusin Energy Regulatory Commission chairperson Monalisa Dimalanta ang pagtatapos ng kanyang termino sa ahensya.
Sa regular press briefing sa Malacanang, kinumpirma ni Undersecretary Claire Castro na tumatayong Palace Press Officer ang pagsusumite ni Dimalanta ng “irrevocable resignation” bilang punong-abala ng ERC.
Agosto 2022 nang italaga sa pwesto ni former President Rodrigo Duterte si Dimalanta na may fixed term na magtatapos sa 2029.
Walang sinabing dahilan ng pagbibitiw ni Dimalanta.
Samantala, nanawagan ang grupong Power for People Coalition (P4P) sa dalawa pang opisyales ng ERC na bumaba na rin sa pwesto. Partikular na tinukoy ng P$P sina Commissioner Floresinda Baldo-Digal at Marko Romeo Lizada Fuentes.
Tulad ni Dimalanta, kapwa political appointees ni former President Rodrigo Duterte sina Baldo-Digal at Fuentes na magtatapos ang termino sa Hulyo 2027.
“We recognize that despite difficult circumstances, she (Dimalanta) has managed to put reforms forward that served consumer interests,” ani P4P Convenor Gerry Arances.
Kasama ni Dimalanta si dating Commissioner Catherine Maceda bilang minorya sa ERC na tumutol sa taas-singil at isinulong ang kautusan ng Korte Suprema para tiyaking “least cost” ang singil sa mga consumer.
