Juliet Pacot 
PARA sa Department of Justice (DOJ), walang dahilan para patawan ng suspensyon si National Bureau of Investigation (NBI) Director Melvin Matibag.
Sa isang press briefing, partikular na tinukoy ni Justice Secretary Fredderick Vida ang panawagan ni Senate President Alan Peter Cayetano.
Ayon kay Vida, wala sa plano ng ahensya patawan ng “preventive suspension” si Matibag kaugnay nang naganap na kaguluhan sa Senado.
“I don’t see any reason for issuing preventive suspension,” aniya, kasabay ng giit na wala rin siyang kapangyarihang mag-utos ng suspensyon sa NBI director.
