.. 
HINIMOK ni Speaker Martin Romualdez ang publiko na maging alerto at mapanuri sa mga impormasyon lumalabas sa iba’t-ibang social media platforms, kasabay ng hirit na iwasang ipakalat lalo’t hindi naman totoo.
Ginawa ni Romualdez ang panawagan kasabay sa pagkondena sa patuloy na pamamayagpag ng fake news sa internet na nagbibigay ng takot sa.mga mamamayan at hindi ang sinasabing pagtaas ng krimen sa bansa.
“‘Wag tayong maging tagapagsalita ng kasinungalingan. While real crime is going down, fabricated stories and scripted videos are spreading like wildfire online. Fear is being peddled for clicks and views. That’s not just irresponsible—it’s dangerous,” pahayag ni Romualdez
Nauna rito ay pinuri ng House Speaker ang Philippine National Police (PNP) sa aniya’y “stronger, smarter” policing sa ilalim ng administrasyon ni Pangulong Ferdinand Marcos Jr.
Ibinida rin ng lider ng Kamara ang malaking pagbaba ng tinatawag na ‘focus crimes’ gayundin ang mabilis na pagkakadakip sa suspek sa naganap na road rage shooting sa Antipolo City.
Binigyan ng kredito ni Speaker Romualdez si PNP Chief Gen. Rommel Francisco Marbil sa pangunguna sa pagpapatupad ng repormang nagbigay-daan sa mahusay na crime prevention strategies at mabilis na response time ng pulisya.
“These efforts are helping restore public confidence in law enforcement and proving that the rule of law is alive and working,” ayon sa pinuno ng Kamara.
Samantala, nagbabala rin ang lider ng 306-strong House of Representatives sa mga nagkakalat ng fake crime videos at unverified reports na sumisira sa tiwala ng publiko sa justice system.
“When people stage crimes just to go viral, they’re not just misleading the public — they’re mocking real victims and sabotaging police work,” ani Romualdez
“It’s an insult to every Filipino who wants genuine peace and order.” (ROMEO ALLAN BUTUYAN II)
