.. 
Ni ROMEO ALLAN BUTUYAN II
LUBHANG nababahala ang isang prominenteng kongresista ng Kamara kaugnay ng isang modus na naglalayong magmukhang legit ang pagpasok sa bansa ng mga Chinese nationals sa bansa.
Para kay House Deputy Majority Leader at ACT-CIS partylist Rep. Erwin Tulfo, napapanahon nang talupan ng Kamara ang pag-iisyu ng iba’t-ibang government documents para gawing legal ang pagpasok at pananatili ng mga dayuhan para sa trabaho, negosyo o panindikato.
“Nakababahala ang patuloy na pagdagsa ng mga Chinese nationals sa ating bansa at ang mas nakababahala ay kung paano sila nakapasok sa atin. Ano ang mga pinanghahawakan nilang dokumento? Bakit sila nakapagtrabaho ng legal sa ating bansa?” pahayag ni Tulfo.
Base sa ulat ng Philippine Retirement Authority (PRA), sa mahigit 79,000 dayuhang retirees sa Pilipinas, hindi bababa sa 30,000 Chinese “retirees” ang pinayagan manirahan sa Pilipinas.
Pati aniya ang PRA, nagkaroon ng bahid sa kaduda-dudang pagtanggap mula pa noong 1991 ng mga retirees na edad 35-anyos pa lang. Ang edad na kinakailangan ay itinaas lamang sa 50 taong gulang noong Abril 2021.
“Isipin ninyo, 35 taong gulang na mga Chinese nationals ang binigyan natin ng Special Resident Retiree’s Visa? Ganyan ang edad ng kalakasan ng tao, bakit retirement visa ang gamit nila? Eh pwede nga silang sundalo sa edad na 35 taong gulang,” bulalas ni Tulfo.
“The influx of Chinese nationals has raised concerns regarding the socio-economic impact, including but not limited to labor market dynamics, national security, and public order,” dadag ng kongresista.
Hindi rin dapat ipag kibit-balikat ang mga krimen – tulad ng human trafficking, panloloko, kidnapping, illegal na detention, prostitusyon, at iba pa – sa pagdami ng mga Chinese nationals.
Binanggit din ni Tulfo ang pagsalakay kamakailan sa mga Philippine Offshore Gaming Operation (POGO) hubs kung saan nabisto ang mga opisina, dormitoryo, villa, at iba pang mga pasilidad na nagpapahiwatig ng matagal na presensya at aktwal na pamumuhay sa loob ng mga dapat sana’y establisyemento ng negosyo.
“There are several processes and privileges in place that enable foreign nationals to enter and exit the Philippines and indefinitely stay for purposes of employment, investment, and retirement, including the issuance of the SRRV and SIRV by the Philippine Retirement Authority and the Board of Investors, respectively,” dugtong pa ng ranking House leader.
“While intended for legitimate purposes for the economic development of the country, the SRRV and SIRV may be prone to abuse, especially by Chinese nationals who wish to avail of exemptions from immigration requirements and certain taxes and fees, entitling them to work, study, invest, and freely transact with the Philippine government,” dagdag ng mambabatas.
Inihalimbawa naman ng ACT-CIS partylist solon ang ang kaso ni Bamban, Tarlac Mayor Alice Guo kung saan nakitaan ng posibleng pag-abusosa proseso ng late registration ng birth certificate na ginamit para sa paghahain ng kandidatura at manalo sa halalan.
“It is imperative to assess the foregoing governmental processes in place that allow foreign nationals, especially Chinese citizens, to enter the country, stay indefinitely herein, and even maintain employment in the Philippines.”
Kailangan din aniyang malaman ang kasalukuyang mga istatistika at mga proseso ng late registration ng birth certificate para matiyak ang ang integridad ng mga dokumentong inisyu ng gobyerno at maiwasan ang panlilinlang sa publiko.
“Possible circumvention of our laws through the existing policies on SIRV, SRRV, and delayed registration of births undermines the Philippine authorities and aids in the perpetration of illegal activities in the country committed by foreign nationals. It is imperative to assess the impact of the SRRVs, SIRVs, and delayed registration of births, which may have contributed to the influx of Chinese nationals,” pagtatapos ni Tulfo.
