.. 
Ni EDWIN MORENO
LUBHANG napinsala ang mga sasakyang dagat ng Pilipinas na may dalang pagkain, gamot, krudo at iba pang pangangailangan ng mga mangingisdang PInoy, ang muling binarako ng Chinese Coast Guard sa West Philippine Sea, ayon sa Philippine Coast Guard.
Sa ulat na unang lumabas sa GMA News, wasak ang canopy at steel railing ng BRP Bagacay na binomba ng dalawang dambuhalang barko ng Chinese Coast Guard.
Bukod sa BRP Bagacay, hagip din sa water cannon ng Chinese Coast Guard ang BRP Bankaw na pag-aari ng Bureau of Fisheries and Aquatic Resources (BFAR) na kasamang naglayag sa West Philippine Sea para sa resupply mission.
“This damage serves as evidence of the forceful water pressure used by the China coast guard in their harassment of the Philippine vessels,” pahayag ni Commodore Jay Tarriela na tumatayong PCG spokesperson for the West Philippine Sea.
Ayon kay Tarriela, naganap ang insidente dakong alas 10:00 kaninang umaga (Abril 30) habang naglalayag ang dalawang sasakyang dagat na bahagi ng supply mission sa Bajo de Masinloc.
“At approximately 09:53, when the BFAR vessel was about 12 nautical miles from BDM [Bajo de Masinloc], CCG-3305 utilized its water cannon, directly hitting the starboard astern of the BFAR vessel,” wika pa ng Coast Guard official
“When the PCG vessel was approximately 1000 yards east-southeast of BDM, CCG-3105 and CCG-5303 employed their jet stream water cannons, targeting the PCG vessel from both sides, resulting in damage to the railing and canopy,” dugtong pa niya.
Bago pa man ang naturang insidente, ibinahagi rin ni Tarriela ang di umano’y tangkang pagharang ng apat na iba pang Chinese Coast Guard ships at anim na Chinese militia vessels sa paglalayag ng supply mission.
“Despite the harassment and provocative actions of the Chinese Coast Guard, both the PCG and BFAR vessels stood their ground and continued their maritime patrol,” aniya pa.
Tumambad din umano ang 380-metrong haba ng floating barrier na pinaniniwalaang inilatag ng Chinese Coast Guard sa pagnanais pigilan ang mga sasakyang dagat ng Pilipinas na makalapit sa Bajo de Masinloc.
