.. 
Ni ROMEO ALLAN BUTUYAN II
HINDI pa man natutuldukan ang problema kaugnay ng alegasyon ng mga manggagawang ayaw kilalanin bilang empleyado, nabisto naman ang paglabag ng Shopee Philippines at Shopee Express sa tax evasion – bukod pa sa natuklasang bulilyaso sa immigration law.
Ayon kay Asosasyon Sang Mangunguma Nga Bisaya-Owa Mangunguma (AAMBIS-Owa) Partylist Rep. Lex Anthony Cris Colada, marapat lang sampahan ng patong-patong na asunto – kabilang ang kasong kriminal – ang hayagang pagbalewala ng mga naturang kumpanya ang batas sa Pilipinas.
“I’ve received information that Shopee may have violated more Philippine laws,” wika ni Colada.
Pahayag ng AAMBIS-Owa Partylist solon, maraming impormasyon ang nakarating sa kanya na kumukwestyon sa tamang pagbabayad ng buwis at pagsunod sa immigration laws ng bansa ng nabanggit na e-commerce giant..
“Any tax evasion must never be condoned, especially in the case of a very popular online shopping platform that earns billions in pesos in sales revenue,” diin ng mambabatas.
“The government needs to collect more tax revenues to fund our country’s important infrastructure and social amelioration programs. As such, we should ensure that big earners like Shopee pay correct taxes to the Bureau of Internal Revenue (BIR),” dagdag pa niya.
Sa gitna ng mga ulat kaugnay ng ilegal na pagpasok sa bansa ng mga foreign national, tikiniyak ni Colada na tutukan ang bawat galaw ng Shopee.
“As it is, Shopee’s subsidiaries here in the Philippines had been disrespecting Filipino workers’ rights. If it’s true that they are also encouraging and facilitating illegal immigration, that’s another offense against our labor laws, sadly to the detriment of our countrymen,” aniya pa.
Sa gina aniya ng pagsisikap ng pamahalaan makapagbigay ng marami at kalidad na mga trabaho para sa mga Pilipino, hindi dapat pahintulutan ang pagpasok ng illegal foreign workers na kaagaw ng lokal na manggagawa sa oportunidad para kumita.
“Foreign investments in the country are welcome and are much needed for the country’s progress. But these companies should also respect local laws if they want to stay in the country for the long run,” dugtong ng mambabatas.
“These two local subsidiaries of the Singapore-headquartered Sea Group had allegedly practiced union-busting, while their ownership had been found questionable in relation to the Anti-Dummy Law,” dagdag niya.
Una nang inihain ni Colada ang House Resolution No. 1718 na nagtutulak imbestigahan ang dalawang local subsidiaries ng Shopee.
