.. 
NI LILY REYES
NAKASILIP ng sapat na dahilan ang Office of the Ombudsman para sampahan ng kaso si former Energy Secretary Alfonso Cusi kaugnay ng bentahan ng controlling stake sa pagitan ng Chevron at kumpanya ni Dennis Uy sa Malampaya gas project.
Pasok din sa kasong paglabag sa Anti-Graft and Corrupt Practices Act ang 11 iba pa kabilang sina Energy Undersecretaries Donato Marcos at Robert Uy; Assistant Secretaries Gerardo Erquiza Jr at Leonido Pulido III; Energy Resource Development (ERD) Director Cesar Dela Fuente III; ERD Assistant Director Guillermo Ansay; Director Araceli Santos-Soluta, Conventional Energy Resources Compliance Division Chief Thelma Cerdena; Petroleum Resources Development Supervisor Demujin Antiporda; Energy Director for legal Arthur Tenazas; at DOE lawyer na si Rowena Joyce Delos Santos.
Ayon sa Ombudsman, nabigo ang mga naturang opisyal na pigilan ang kontrobersyal na “take-over” ng Udenna Corporation na kontrolado ni Dennis Uy sa 45% controlling stake ng Chevron sa Malampaya gas project.
Sakaling mapatunayan nagkasala, nakaamba ang parusang pagkakulong, at perpetual disqualification na humawak ng anumang pwesto sa gobyerno.
Sa alip umano pigilan, tinulungan pa ni Cusi at iba pa sa paraan ng agarang pag-apruba sa bentahan ng controlling stake sa kumpanyang wala naman anilang technical expertise sa larangan ng natural gas exploration.
Nagsilbing Kalihim ng kagawaran si Csi sa ilalim ng administrasyon ni former President Rodrigo Duterte.
