.. 
MATAPOS ang golpe-de-gulat ng Kamara sa impeachment complaint laban kay Vice President Sara Duterte, nakatakda naman sampahan ng kasong kriminal si House Speaker Martin Romualdez kaugnay ng umano’y pamemeke ng “legislative documents” para palusutin ang bilyon-bilyong halaga ng “insertions” sa 2025 national budget.
Sa isang pulong-balitaan, partikular na tinukoy ni former House Speaker Pantaleon Alvarez ang ikinakasang asunto ng Citizens Crime Watch.
Ayon kay Alvarez, nasa P241-bilyong pisong halaga ng “insertion” ang kinamada umano ni Romualdez sa General Appropriations Bill.
Inaasahan nam an ang pormal na paghahain ng kaso sa Quezon City Prosecutors Office pagsapit ng Lunes.
Bukod kay Romualdez, pasok din umano sa mga sasampahan ng kaso sina Chairperson ng Appropriations Committee Congresswoman Stella Quimbo, former Committee Chairman ng House Appropriations Cong. Zaldy Co, House Majority Leader Mannix Dalipe at iba pa.
