.. 
SA ipinamalas na husay bilang punong-abala ng Manila Economic and Cultural Office (MECO), isang panibagong parangal ang iginawad ng Taiwan kay Atty. Cheloy Garafil na kasalukuyang nanunungkulan bilang Secretary-General ng Kamara.
Sa pangunguna ng Ministry of Foreign Affairs, ibinigay kay Garafil ang prestihiyosong “Order of Brilliant Star with Grand Cordon” – isang pagkilalang hindi nasungkit ng mga nagdaang resident representatives ng Pilipinas sa naturang bansa.
Personal na pangangasiwaan ni Foreign Affairs Minister Lin Cia-lung ang paggagawad ng parangal kay Garafil sa Grand Hall ng Ministry of Foreign Affairs sa Taipei.
“With humility, I share this honor with our colleagues and partners who worked tirelessly during my service,” wika ni Garafil.
“This recognition reflects the work done to strengthen professional and constructive engagement between the Philippines and Taiwan,” dagdag ng ranking lady House official.
Ang nasabing parangal ay pinakamataas na civilian decorations na ibibigay sa isang dating opisyal ng MECO na tumatayong representante ng bansa sa Taiwan para sa pagsusulong ng bilateral exchanges at cooperation ng dalawang panig.
Bago itinalaga bilang House Secretary-General, pinamunuan ni Garafil ang MECO. (ROMER R. BUTUYAN)
