Romer Butuyan 
SA tatlong magkakahiwalay na pagkakataon, pinag-withdraw umano ni dating Pangulong Rodrigo Duterte ni Ramil Madriaga ng kabuuang P300 milyon mula sa isang bangko sa Lubao, Pampanga.
Ito ang isiniwalat ni Madriaga sa ginanap na clarificatory hearing ng House Committee on Justice sa impeachment charges na kinakaharap ni Vice President Sara Duterte kahapon.
Inamin din ng nagpakilalang bagman ng bise-presidente na naging ‘dummy’ rin siya ng former chief executive sa daan-daan milyong bank transactions.
“Despite only earning One Hundred Thousand Pesos to One Hundred Fifty Thousand Pesos from my services to PRRD, millions of pesos went through bank accounts opened for me by close associates of PRRD,” salaysay ni Madriaga.
“I admit that during PRRD’s term as President, I served as a dummy for the transfer of large amounts of money,” dugtong niya.
Ayon kay Madriaga, may mga bank accounts na nakapangalan sa kanya sa Makati, Pasig, at Pampanga, na ginagamit para sa umano’y intelligence operations at laundering.
Gayunpaman, nilinaw niyang hindi siya ang personal na nagbukas ng mga naturang bank accounts.
“However, I have never personally opened these accounts or appeared before the said banks to process any application in relation thereto. These were opened by people close to PRRD who informed me that money will be transferred to these accounts for ‘intelligence operations’ and for laundering,” saad sa isang bahagi ng kanyang nilagdaang testimonya.
“I was later instructed to sign entire checkbooks where the amounts and payees are left blank. I agreed to do this because, at the time, I had complete trust in PRRD and his close associates,” paglalahad ni Madriaga.
Tatlong beses din umano siyang pinag-withdraw ng tig-P100 million sa isang bangko sa Lubao, Pampanga. Pagkatapos umanong kunin sa bangko, inutusan umanong siyang ihatid ang pera sa Palasyo.
Mayroon din isinumite si Madriaga na kopya ng mga tseke, kalakip ng inihain supplemental affidavit sa House panel, kabilang ang dalawang Landbank manager’s checks na nakapangalan sa kanya at may kabuuang halaga na P89 million.
“On another incident, I was informed by PRRD that two Landbank Manager’s Checks, which were to be delivered to one of our safehouses in Eastwood, Quezon City, in the amounts of Eighty-Four Million Two Hundred Thousand Pesos and Four Million Eight Hundred Thousand Pesos, respectively, were issued under my name.”
