.. 
Ni Romeo Allan Butuyan II
PINANGUNAHAN ni Speaker Ferdinand Martin G. Romualdez, na siya ring caretaker ng Congressional district ni late Rep. Edward Hagedorn ang paglalaan ng iba’t-ibang government resources para agad na matulungan ang mga biktima ng malaking sunog sa Puerto Princesa City.
Kasunod ng paunang assessment report na nakarating sa Office of the Speaker, agad na inindorso ni Speaker Romualdez ang paggamit sa bahagi ng 2024 General Appropriations Act (GAA) para makatugon ang pamahalaan sa naturang insidente.
Partikular na dito ang pagbibigay ng ‘ayuda’ o cash assistance sa halagang P10,000 kada pamilyang nasunugan, sa ilalim na rin ng Assistance to Individuals in Crisis Situations (AICS) program ng Department of Social Welfare and Development (DSWD).
Bukod dito, tiniyak din ni Speaker Romualdez na hindi lamang simpleng pagpapa-abot ng tulong-pinansyal ang maasahan ng mga fire victim bagkus hangang sa kanilang muling pagbangon ay aagapay ang Kamara at administrasyon ni Pangulong Ferdinand Marcos Jr. sa kanila.
“We are deeply saddened by the tragedy that has befallen the residents of Barangay. Pagkakaisa and Barangay Bagong Silang. In these trying times, it is imperative that we come together as a nation to support our fellow Filipinos. The provision of financial assistance is a crucial step in our concerted efforts to aid in their recovery,” ang pahayag pa ng lider ng Kamara.
Kaugnay nito, ang Office of the Speaker at Tingog Partylist ay naghahanda na para makapamahagi ng nasa 3,500 food packs gamit ang Personal Calamity Assistance Fund ng Leyte lawmaker at naturang party-list organization.
