Romer Butuyan 
HINDI pwedeng humawak ng anumang posisyon sa gobyerno ang may taong may karamdaman sa utak.
Ito marahil ang nais patunayan ng House prosecution panel sa likod ng planong pagsasalang ng isang psychiatrist para magbigay ng “expert, non-partisan assessment” hinggil sa banta ni Vice President Sara Duterte sa buhay ni Pangulong Ferdinand Marcos Jr, First Lady Lisa Araneta-Marcos at dating House Speaker Martin Romualdez.
Para kay Atty. Benjamin Tolosa Jr., na tumatayong legal spokesperson ng panig ng tagausig, malaking bentahe sa pagdinig ang testimonya ng isang mental health expert para malaman kung gaano ka-seryoso ang binitiwan pahayag ng bise presidente hinggil sa pagkuha ng hitman na papatay sa Pangulo at dalawang iba pa.
“So it could establish a lot of things, among other things would be the seriousness of the threats, the fact that when it was made, it was not made in jest,” wika ni Tolosa sa isang Zoom press conference.
Sinabi naman ni House trial spokesperson at Lanao del Sur Rep. Zia Alonto Adiong na tiwala ang lupon ng tagausig na magiging “objective at non-partisan” ang salaysay ng isang eksperto.
“Someone who is objective and non-partisan is the right witness to establish to the court that yes indeed, these allegations and these threats are made with seriousness,” pahayag ni Alonto Adiong.
“The only way for the public to know that these threats are made in seriousness, with clarity and with seriousness, is for an expert to observe and assess the utterances of threats against the president, the first lady, and the former speaker,” dagdag ng Mindanaoan solon.
Tinukoy naman ni Bicol Saro PL lawmaker Terry Ridon si former Education at OVP spokesperson Michael Poa bilang mahalagang testigo patungkol sa operasyon ng mga tanggapang pinamahalaan ng bise presidente.
“Kasama naman talaga siya sa very relevant witnesses po on how confidential funds and the entire operations of DepEd and OVP had been undertaken, so we will subject him to take the witness stand,” ani Ridon.
Aniya, maituturing si Poa, na walang dudang loyal staff ni Duterte, bilang hostile witness ng prosekusyon.
Maging ang dating court sheriff na sinapak ng nasasakdal sa panahon ng panunungkulan bilang Davao City mayor ay ipiprisinta rin ng House prosecution sa impeachment court.
“Under the rules, it is allowed to present evidence to establish a behavioral pattern, to establish the propensity of a person to resort to violence, for example,” paliwanag ni Tolosa.
Matatandaan na habang nagpapatupad ng demolition court order, sinugod at sinuntok ng bise presidente si former Davao City court sheriff Abe Andres.
Ayon kay Alonto Adiong, tinitignan nila kapwa ang mga salita at kilos ni Duterte para mabatid kung ano ang tunay na asal o pag-uugali ng naturang opisyal.
“Actions and words are very apparent so far as the Vice President is concerned..When she’s angry, she gets too volatile,” punto niya.
“It also speaks about the attitude that she is – ‘yung impunity – the culture of impunity that we would try to address.”
