.. 
Ni ROMEO ALLAN BUTUYAN
PARA sa Kinatawan ng Maynila sa Kamara, nararapat lang imbestigahan ng gobyerno ang naging papel ng mag-amang Duterte sa tangka ni Kingdom and Jesus Christ (KOJC) founder Pastor Apollo Quiboloy na takasan ang mga operatibang maghain ng mandamiento de arrestong inilabas ng husgado.
Partikular na tinukoy ni Manila Rep. Joel Chua sina dating Pangulo Rodrigo Duterte at anak na si Vice President Sara Duterte-Carpio.
Ayon kay Chua, malinaw na responsable ang matandang Duterte sa pagkaantala ng pagdakip ng puganteng religious leader na nagtago sa 30-ektaryang KOJC Compound na pinangangasiwaan ng dating Pangulong tumatayong administrator ng lahat ng pag-aari ni Quiboloy.
“His role within the KOJC compound places him at the center of this unfolding scandal, and the public deserves clear answers about his involvement,” pahayag ng Manila solon.
Sa panig ng bise-presidente, binalikan ni Chua ang naging pahayag ng una sa panayam na wala na sa KOJC compound ang wanted na pastor.
“Her assurances that Quiboloy was no longer within the compound call into question her credibility and suggest an attempt to shield the preacher from justice,” diin ng kongresista.
“Such actions, if proven, would not only obstruct the course of justice but also erode public trust in our officials,” dagdag pa niya.
Nanindigan si Chua sa tinatawag na rule of law, kasabay ng hirit na hindi nakitaan ng pagiging huwaran ang mag-amang Duterte na sa halip na makitungan ay nagsilbing balakid sa operasyon ng pulisya laban sa isang personalidad na pasok sa kategorya ng wanted sa batas bunsod ng mga kasong child abuse, sexual abuse, at qualified trafficking, bukod pa sa mga asuntong kinakaharap nito sa Estados Unidos.
“The father-and-daughter duo’s direct connection to the KOJC compound makes it difficult to believe that they were unaware of Quiboloy’s whereabouts. I call on the appropriate authorities to investigate these ties thoroughly,” ayon pa ranking House member.
“If the Duterte family played any role in protecting or enabling Quiboloy during his time as a fugitive, they must be held accountable, just like any other citizen,” dugtong ni Chua.
Paalala ni Chua na “No one is above the law—not even those who once held the highest positions of power in our country.”
“The Filipino people deserve the truth. We demand a full and impartial investigation into this matter to uncover any criminal culpability and ensure that justice is served without fear or favor. The rule of law must prevail,” pagtatapos ng Manila solon.
