Romer Butuyan 
PARA kay House lead prosecutor at Batangas Rep. Gerville “Jinky Bitrics” Luistro, malinaw na nakasaad sa Senate rules on impeachment ang agarang paglilitis ng senado sa sandaling tanggapin ang Articles of Impeachment mula sa Kamara.
Ayon kay Luistro na tumatayong chairperson ng House Committee on Justice, nakahanda ang 11-member House prosecution panel kontrahin ang hirit na dis issal ng kampo ni VP Sara bilang tugon sa writ of summons ng Senate impeachment court.
“To be moved or request towards the dismissal of the impeachment complaint, i-o-oppose namin yun,” wika ni Luistro.
“I said earlier that the Senate rules on impeachment do not speak about dismissal. The rules neither speak about remand nor about clarification. Ang sinasabi lamang po ng Senate rules on impeachment, trial. And after trial, the judgment is either conviction or acquittal,” giit ni Luistro.
Sa pamamagitan ng kanyang defense lawyers, nagsumite ang bise presidente ng tugon sa writ of summon na inisyu ng Senate impeachment court para sagutin ang legasyon.
“Ang gusto natin is sana ma-dismiss itong Articles of Impeachment laban sa kanya. Kung ano man ang mangyari, handa naman kaming depensahan ang ating bise presidente,” pahayag ng mga abogado ni Duterte.
Nilinaw naman nila na ang kanilang pagtugon sa kautusan ng Senate impeachment court ay hindi pagsasantabi ng nauna nilang inihaing petisyon sa Supreme Court (SC) – ang pagpigil sa impeachment proceedings.
Kinumpirman naman ni House trial spokesperson at Lanao del Sur Rep. Zia Alonto Adiong na natanggap na ng lupon ng tagausig ang kopya ng sagot sa Articles of Impeachment ng nasasakdal.
“We acknowledge receipt of the Answer filed by Vice President Sara Duterte to the Articles of Impeachment. The 11-member House prosecution panel, together with its legal team, will undertake a review of the submission,” ayon kay Alonto Adiong.
“The public may be assured that the prosecution remains fully prepared and committed to its constitutional duty. Any reply or further legal response, if warranted, will be made after an evaluation of the submission,” dagdag niya.
Sinabi naman ni House Senior Deputy Minority Leader at Mamamayang Liberal (ML) partylist Rep. Leila de Lima na ang buod ng naturang sagot ng bise presidente ay pag-iwas pa ring sumalang sa impeachment trial.
“Sila itong hindi nagpakita at nagpaliwanag sa mga pagdinig sa Kamara, at ngayon naman ay pinadi-dismiss nila sa Senado ang impeachment case nang hindi pa man lang napakikinggan ang mga testigo at mga ebidensya. Allergic o takot lang ba talaga siyang humarap sa proseso ng pananagutan?”
“Trial muna bago hatol. Paglilitis, hindi dismiss-dismiss. Once and for all, harapin niya ang impeachment at sagutin ang mabibigat na paratang. Huwag niyang ipagkait sa taumbayan ang katotohanan at pananagutan,” giit pa ng kongresista.
“Confirmed! Binobola lang ng kampo ni VP Sara ang taumbayan noong sinabi nilang sa Senado sila sasagot,” bulalas naman ni Akbayan Partylist Rep. Perci Cendaña bilang reaksyon sa isinumiteng kasagutan ng Defense panel.
“Pareho lang sila ni Bato, takot harapin ang pananagutan. Palibhasa takot mabuko.”
