Romer Butuyan 
KUMPYANSA ang panig ng House prosecution na tuloy na ang pag-usad patungo sa paglilitis ang Senate impeachment court dahil patapos na rin pre-trial conference ma susundan na lang ng pre-trial order.
“Ang maliwanag… ang start talaga ng trial is July 6 at magtuloy-tuloy na ‘yan,” ayon kay lead prosecutor at House Justice Committee chair Atty. Gerville “Jinky Bitrics” Luistro.
“Kaya we would like to commend the impeachment court, the prosecution team and even the defense team for taking a stance towards an expeditious proceeding towards this pretrial para makapag umpisa na tayo sa July 6 because after all, ito matagal nang hinihintay ang taong bayan,” wika ni Luistro.
Sa pagtataya ng lead prosecutor, maaaring matapos na ngayong araw (Hunyo 22) ang marking of evidence na susundan naman ng pre-trial order.
“’Dun naman po sa pre-trial kung meron kaming concern, medyo may hindi nabanggit, may napag-usapan sa PTC, medyo inaccurate ang nabanggit doon, may gusto kaming ihabol, we can file a comment to that,” paliwanag ng House panel head.
Binigyan-diin ni Luistro na ang pre-trial order ay hindi lamang pagsusuma sa naganap sa pre-trial conference bagkus ay gabay sa paglilitis.
“As a matter of fact bawal mag-deviate from the pre-trial order as a matter of rule,” dugtong ng Batangas solon.
Giit ng prosekusyon — tuldukan ang delaying tactics ng defense panel sa bisa ng teknikalidad.
