.. 
NANINDIGAN muli ang Philippine National Police (PNP) na hindi makikisawsaw sa imbestigasyon ng International Criminal Court (ICC) kaugnay ng madugong giyera kontra droga ng nakalipas na administrasyon.
Gayunpaman, nilinaw ni Brig. Gen. Jean Fajardo na tumatayong tagapagsalita ng PNP, na hindi aawating ng pambansang pulisya ang sinuman sa hanay ng mga kabarong nais tumestigo.
Ayon kay Fajardo, susundin ng pambansang pulisya ang posisyon at polisiya ni Pangulong Ferdinand Marcos Jr.
“Nagsalita na po yung ating Pangulo — Philippines will not cooperate in any investigation na gagawin po ng ICC because there is a question of jurisdiction,” wika ni Fajardo, sa aniya’y rekomendasyon ng Office of the Solicitor General (OSG) at Department of Justice (DOJ).
“Even our Office of the Solicitor General and the Department of Justice have already spoken. On the part of the PNP, we will align on the stand of the national government po,” dugtong ng PNP spokesperson.
“But if there are any individuals who wish to cooperate in their own personal capacity, they are not precluded from doing so. But as the PNP as an organization, naka-align po tayo sa position ng ating national government,” aniya pa.
Una nang naglabas ng anunsyo si ICC Assistant to Counsel Kristina Conti hinggil sa panawagan ng ICC sa sa mga nais tumestigo sa madugong giyera kontra droga ng nagdaang administrasyon para ibahagi ang kanilang mga nalalaman.
“The ICC has launched a witness appeal in the Philippine situation. Anybody who has credible information about Duterte’s “war on drugs” can submit through https://appeals.icc-cpi.int. Info transmitted will be kept confidential, but with consent can be brought up during trial,” ayon kay Conti. (Edwin Moreno)
