.. 
Ni ROMEO ALLAN BUTUYAN II
DAHIL sa kabiguang tumugon sa imbitasyon para sumalang sa pagdinig ng House Committee on Legislative Franchise, itinuring na isang paghamak ang ginawang ni Televangelist Apollo Quiboloy sa kapangyarihan ng Kamara.
Bunsod ng anila’y malinaw na katampalasanan, minabuti ng Mababang Kapulungan maglabas ng mandamiento de arresto sa sa kontrobersyal na pastor sa likod ng sektang Kingdom of Jesus Christ (KOJC).
Sa pagdinig ng House panel na pinamumunuan ni Paranaque City Rep. Gus Tambunting kahapon, unang nai-cite in contempt si Quiboloy sa pagtanggi humarap sa mga kongresista.
Ilang minuto ang lumipas, nag-mosyon si Abang Lingkod partylist Rep. Joseph Stephen Paduano para atasan ang House Sergeant-at-Arms na makipag-ugnayan sa lahat ng law enforcement agencies, partikular ang Philippine National Police (PNP) para madala sa Kamara ang KOJC founder.
Sinegundahan naman ni Senior Deputy Speaker Dong Gonzales (Pampanga 3rd District), Deputy Speaker Jay-jay Suarez (Quezon 2nd District) at Surigao del Sur 2nd Dist. Rep. Johnny Pimentel ang hirit ng party-list solon – hudyat para agad na aprubahan ang ikalawang mosyon na laban sa kontrobersyal na religious leader.
“The chair hearing no objections, the motion of the honorable Paduano to ask the sergeant-at-arms to bring Pastor Quiboloy to the House premises is hereby approved,” deklarasyon pa ng House panel head.
Kasunod nito, tila hinamon naman ni Suarez si Atty. Ferdinand Topacio, na siyang kumatawan at tumatayong legal counsel ni Quiboloy sa nasabing pagdinig, na tulungan o samahan ang House Sergeant-at-Arms para maisagawa ang pagkuha sa huli at madala sa Batasan Complex.
“Just a follow, insofar as the good Atty. Topacio is law abiding and taking his oath as a lawyer and as far as you’re going to meet Pastor (Quiboloy) tomorrow, maybe you can aid the sergeant-at-arms in the exercise of their duty. Hindi kasi, magkikita naman kayo bukas ‘di ba?,” hirit pa ng Quezon province lawmaker.
Gayunpaman tumanggi si Topacio, kasabay ng hiling na i-respeto ang tinawag niyang “attorney-client” relationship.. Nangako rin ang abogado sa Kamara na bibigyan niya ng maayos na legal advice si Quiboloy hinggil sa naging kapasyahan ng House panel.
