.. 
TALIWAS sa unang posisyon na umaayon sa pananatili ng mga offshore gaming hubs sa bansa, kinatigan ni House Speaker Martin Romualdez ang desisyon ng Pangulo – ang tuluyang palayasin ang mga Philippine Offshore Gaming Operations (POGO).
Sa isang pahayag na inilabas pagkatapos ng ikatlong State of the Nation Address (SONA) ni Pangulong Ferdinand Marcos Jr., pinuri ni Romualdez ang aniya’y legasiya ng kasalukuyang administrasyon.
Bilang pambungad, agad na nanawagan si Romualdez sa mga kapwa kongresista sa Kamara de Representantes na magpasa ng panukalang batas para tuluyang ipagbawal ang operasyon ng POGO alinsunod sa direktiba ng Punong Ehekutibo.
Ayon kay Romualdez, higit na angkop sabayan ng isang batas ang POGO ban na iniutos ni Marcos para matiyak na hindi na muling magagambala ng mga offshore gaming hubs ang kaayusan sa bansa.
“Gusto naming maging legacy ito ng Pangulong Marcos, Jr. Sisiguruhin natin na hindi na makakakilos ang mga sindikatong kriminal sa pamamagitan ng POGO at mapapanagot natin sa batas ang mga mastermind at lider ng mga sindikatong ito,” wika ni Romualdez.
Marapat din aniyang ituloy ang isinasagawang imbestigasyon ng Kamara sa layuning matukoy ang personalidad – kabilang ang mga protektor sa likod ng illegal POGO.
“Immediately after the SONA of President Marcos, Jr., I met with House leaders and top Secretariat officials last night in my office. I asked them to come up with a proposed legislative measure that will put to a halt all POGO operations in the country effective December 2024 as ordered by the President,” aniya.
“This, however, will not stop ongoing House investigation on the criminal and other illegal activities linked to POGO. Hopefully, the House can learn from the hearings— on their modus operandi and the brains behind these activities— as part of inputs for the proposed measure that we will be crafting,” dugtong ng lider-kongresista.
“I am requesting all the Committee chairs concerned to give this a priority. For the House Committee on Public Order and Security to submit their comprehensive report and recommendations to the Committee on Games and Amusement as soon as possible. And for the House Committee on Games and Amusement to come up with a committee report for immediate plenary deliberation.”
