.. 
PORMAL nang binuksan ulit ng Commission on Elections (Comelec) ang panahon ng pagpapatala sa mga nais lumahok sa itinakdang halalan sa buwan ng Mayo sa susunod na taon.
Sa pagtataya ng Commission on Elections (Comelec), nasa tatlong milyong bagong botante ang inaasahan madadagdag sa list of registered voters para sa 2025 National and Local Elections (NLE) .
Abiso ng Comelec sa mga nais magparehistro, magdala ng government-issued identification cards (ID) na may lagda bago magtungo sa tanggapan ng Comelec na malapit sa tinitirhan lugar.
Kabilang sa mga IDs na tinatanggap sa pagpaparehistro sa poll body ay ang National Identification (ID) card, Postal ID card, PWD ID card, Student’s ID card o library card, na pirmado ng school authority, Senior Citizen’s ID card, Land Transportation Office (LTO) Driver’s License/Student Permit, National Bureau of Investigation (NBI) Clearance, Philippine Passport, Social Security System (SSS)/Government Service Insurance System (GSIS) o iba pang Unified Multi-Purpose ID card.
Pwede rin anilang gamitin ang Integrated Bar of the Philippines (IBP) ID card, lisensyang isyu ng Professional Regulatory Commission (PRC), Certificate of Confirmation mula sa National Commission on Indigenous Peoples (NCIP) para sa miyembro ng ICCs o IPs at Barangay Identification/ Certification na may larawan at iba pang government-issued valid ID.
Ang voter registration period ay hanggang sa Setyembre 30, 2024 lamang.
