admin 
TALIWAS sa pananaw ni Education Sec. Sonny Angara, mas mataas ang badyet ng Department of Education (DepEd) sa 2025 kumpara sa alokasyon para sa kasalukuyang taon.
Ayon kay Senador Grace Poe, mahigit P20 bilyon ang umentong iginawad ng Kongreso sa budget ng DepEd sa ilalim ng 2025 General Appropriatons Bill na pinagtibay ng bicameral conference committee.
Sa panayam, sinabi ni Poe na tumatayong chairman ng Senate committee on finance, pinaglaanan ng Kongreso ng kagawan ni Angara ng P737 bilyon — malayo sa P717 bilyong budget natanggap ng DepEd ngayong taon.
Ginawa ni Poe ang pahayag bilang tugon sa pagkadismaya ni Angara, dating chairman ng Senate committee on finance, hinggil sa desisyon ng bicameral conference committee hinggil sa budget cut sa gastusin ng DepEd.
Nakatakda sa bicam-approved GAA, nabawasan ang ahensiya ng P12-billion budget mula s inaprubahang badyet noong Nobyembre 26 ng Senado partikular ang P10 bilyong badyet ng ahensiya sa pagbili ng mas maraming computers at gadgets sa estudyante sa pampublikong paaralan.
Pero, ayon kay Poe, “Funds are still available for the purchase of computers and the overall budget of DepEd increased … This is a testament to our continuing commitment to prioritize the education sector in line with the mission of our new secretary.”
Aniya, binigyan ng priority ang pangangailangan ng guro at estudyante sa public elementary at high schools.
“This is why we more than doubled the budget for teaching supplies allowance from P4.825 billion in 2024 to P9.948 billion next year,” ayon sa senador.
“Priorities had to be weighed and certain cuts on some programs had to be made. Ultimately, our goal is to ensure that every peso allocated serves the real needs of our educators and learners.”
Tinukoy din ni Poe ang natuklasan ng Commission on Audit na kalahati lamang ang nagamit ng DepEd sa alokasyon para sa computerization program noong nakaraang taon sa panahon ni Vice President Sara Duterte.
“We must see to it that all of the program’s systemic problems, such as procurement delays, be addressed first before allocating the corresponding budget increase.”
