300 PAMILYA NAWALAN NG TIRAHAN, 2 SUGATAN SA TONDO FIRE

NASA 300 pamilya ang nawalan ng tirahan habang dalawa ang sugatan sa sunog na naganap sa residential area sa Tondo, Maynila, Martes ng gabi.

Sinabi ng Bureau of Fire Protection-National Capital Region na tinatayaNng nasa P1.5 milyong halaga ng aria-arian ang naabo sa nasabing insidente.

Ayon kay Barangay Chairman Ronald Lee, nasa 100 kabahayan ang natupok ng apoy.

Isang bumbero ang nagtamo ng sugat sa kamay habang isang 75-anyos na residente ang nalapnos ang paa.

Sinabi ng BFP-NCR na ang sunog ay nagsimula ng alas-9:00 ng gabi at tuluyang naapula ng alas-2:07 ng madaling araw.