admin 
Hindi na madaanan ng sasakyan ang harap ng Camp Aguinaldo matapos ang pagbuhos ng ulan, Sabado ng umaga. Photo: MMDA
NALUBOG sa baha ang maraming lugar sa Metro Manila matapos ang halos isang oras na pagbuhos ng ulan, Sabado ng tanghali.
Sa harap ng Camp Aguinaldo sa Quezon City ay hindi na nadaanan ng lahat ng uri ng sasakyan bandang alas-12:54 ng hapon. Baha rin sa maraming lugar sa Maynila, partikular sa España, Maynila gayunin sa Malate.
Maraming lugar din sa Quezon ang nalubog sa bahay, gayundin sa Valenzuela City kasama na ang Mandaluyong City.
Patuloy namang pinag-iingat ang publiko sa paglabas ng kanilang bahay. Pinayuhan din na huwag na lamang lumabas kung hindi naman importante ang pupuntahan.
Dalawang low pressure area ang minomonitor ng local weather bureau na lumilikha ng malalakas na pagbuhos ng ulan.
