admin 
DALAWA katao ang namatay sa sunog na naganap sa bus terminal sa Barangay Calumpang, Marikina City, Linggo ng umaga.
Naganap ang sunog bandang alas-9:24 ng umaga sa BFCT East Metro Transport Terminal.
Kinikilala pa ng Bureau of Fire Protection (BFP) ang dalawang nasawi na ang bangkay ay natagpuan sapagitan ng nasunog na truck at bus na naka-park sa terminal.
Inaalam pa rin ng BFP ang sanhi ng sunog na tumupok sa ilang sasakyan sa terminal, partikular ang isang malaking truck, isang bus at van na kaasamang natupok.
Sinabi ng mga saksi na nakarinig sila ng sunod-sunod na pagsabog bago lumikha ng malaking apoy.
Inaalam din ng BFP ang posibilidad na mga paputok na dala ng isa sa mga truck ang posibleng sanhi ng sunog.
