.. 
Ni ROMEO ALLAN BUTUYAN II
IKINALUGOD ni Speaker Martin Romualdez ang paglalatag ng mahigit sa $1 billion na pamumuhunan sa bansa, na siyang resulta ng dalawang araw na high-level US trade and investment mission kung saan indikasyon umano ito ng malaking pagtitiwala ng American trade firms sa katatagan ng ekonomiya ng Pilipinas.
Sa huling araw ng pagbisita sa Estados Unidos, inihayag ni US Secretary of Commerce Gina Raimondo, na siyang pinuno ng nasabing high-level American mission, ang mga bagong pamumuhunan na ito ay nasa sektor ng enerhiya, digital upskilling, at education, partikular umano dito ang may kinalaman sa artificial intelligence at cybersecurity.
Ayon kay Romualdez, ang matagumpay na high-level US trade and investment mission na may basbas mismo ni American President Joe Biden ay pagpapakita lamang ng matibay na ugnayang pangkabuhayan at matibay na tiwala sa isa’t isa ng Pilipinas at Estados Unidos.
“This unparalleled commitment from American firms is not just a vote of confidence in the Philippine economy, but also a clear reflection of the strategic and dynamic leadership of President Ferdinand R. Marcos Jr.,” sabi ng lider ng Kamara.
“Under the President’s guidance, the Philippines has embarked on a series of diplomatic and business-oriented initiatives, including his strategic foreign trips and the introduction of the Maharlika Investment Fund, aimed at attracting global investors and cementing our nation’s status as a prime investment destination,” dugtong pa niya.
Naniniwala rin ang lider-kongresista na ang naturang positibong pangyayari ay may kaugnayan din sa investment plans at legislative reforms na isinusulong ng Marcos administration partikular ang panukalang pag-amyenda sa economic provisions ng 1987 Constitution, na naglalayong buksan ang ekonomiya at pagnenegosyo sa bansa mula sa foreign investors.
“These legislative measures are crucial in creating a conducive environment for foreign investments and in demonstrating our commitment to sustainable and inclusive growth,” paliwanag ng Leyte lawmaker sa economic reforms na kapwa nilalayon ng Kamara at ni Pangulong Marcos.
