.. 
MATAPOS mahanay sa talaan ng mga national artist sa larangan ng pelikula, pulitika naman ang papasukin ng tinaguriang Superstar na si Nora Aunor na kilala rin sa tawag na Ate Guy..
Target ni Aunor mapabilang hanay ng mga kongresista sa Kamara bilang second nominee ng People’s Champ partylist group.
Bukod kay Aunor, naghain din ng Certificate of Candidacy sina dating Caloocan city councilor Marjorie Barretto na puntirya makabalik bilang konsehal ng naturang lungsod.
Pasok din sa talaan ng mga artistang naghain ng kandidatura si Sam Versoza na nais naman pataubin si incumbent Manila Mayor Honey Lacuna at talunang 2022 presidential candidate Isko Moreno pagsapit ng 2025 mayoralty race.
Hindi naman nagpaiwan iba pang celebrities na sina Ara Mina (para konsehal ng Pasig), Arron Villaflor (para provincial board member ng Tarlac), Cai Cortez (para konsehal ng Taytay, Rizal), Aljur Abrenica (para konsehal ng Angeles City), Samantha Panlilio (2nd nominee ng Agimat partylist), Philip Salvador (para senador), at Bong Revilla (para senador).
Samantala, reelection naman ang hirit ni Aiko Melendez sa ika-5 distrito ng Quezon City.
Ayaw naman magpadaig ni Binibining Pilipinas Globe 2019 Leren Bautista na nais ipagpatuloy ang karera sa pulitika bilang konsehal ng Los Baños sa lalawigan ng Laguna.
Kandidato rin para konsehal si Miss Universe Philippines national director Shamcey Supsup sa unang distrito ng Pasig City.
