.. 
HINDI na inhinyero si dating Bulacan District Engineer Henry Alcantara, ayon sa Professional Regulatory Board of Civil Engineering (PRB-CE).
Sa isang kalatas, ibinahagi ng PRB-CE ang desisyon matapos ang pagsusuri sa mga alegasyong nag-uugnay kay Alcantara sa maanomalyang flood control projects sa lalawigan ng Bulacan.
Ayon sa PRB-CE, malinaw na “grossly unprofessional” at “unethical” ang kinasasangkutan anomalya ng dating miyembro.
“In its review, the PRC PRB-CE gave primary weight to the DPWH’s Special Audit Report and Decision,” ayon sa board.
“The Board established that Engineer Alcantara willfully approved payments for these ghost projects, an act that constitutes a severe breach of the Code of Ethics for Civil Engineers and a betrayal of public trust,” giit pa ng lupon.
Gayunpaman, nagbigay ng 15-araw na palugit ang PRB-CE kay Alcantara para maghain ng motion for reconsideration sa Commission Proper. (LILY REYES)
