Lily Reyes 
MATAPOS ang halos apat na buwan, nananatili pa rin ang banta sa mga residente ng Albay sa posibilidad ng muling pagputok ng Bulkang Mayon matapos makapagtala ng indikasyon ng pag-aalboroto.
Sa datos ng Philippine Institute of Volcanology and Seismology (Phivolcs) araw ng Huwebes nang maitala ng ahensya ang “lava effusion with collapse-fed pyroclastic density currents” at “short-lived lava fountaining” sa pagitan ng alas 2:15 hanggang 2:17 ng madaling-araw.
Dakong alas 9:01 ng umaga, naitala ang minor strombolian activity sa summit crater ng bulkan na bumuga ng 100-metrong taas na ash plume na tinangay naman sa direksyon ng kanluran.
Nananatili sa Alert Level 3 ang Bulkang Mayon at kasalukuyang nasa ika-115 sunod na araw ng effusive eruption. Ipinagbabawal pa rin ang pagpasok sa anim na kilometrong permanent danger zone.
